《尋秦記》電影差佢一個！嫪毐早爆原因：演藝界冇人承認江華

（江華率先解答立即去片：https://bit.ly/2SpFI21）

古天樂斥資開拍《尋秦記》電影，當年TVB劇集版《尋秦記》主要演員如林峯、宣萱、雪兒、郭羨妮、滕麗名等原班人馬均落實演出，但卻獨欠劇中飾演連晉與嫪毐嘅江華，好多網民都覺得咁樣實在太可惜，紛紛集氣要求江華加入，重現經典。

{{hket:inline-image name="TUNGSTAR6169260_600.jpg"}}{{/hket:inline-image}}

好似硬係爭咁啲嘢！

好耐冇喺幕前亮相嘅江華早前曾接受晴報專訪，話曾經撞到周潤發（發哥）都問佢點解唔拍戲，佢當時都只係答如果發哥開戲嘅話，佢先會出山：「喺演藝界裏面係冇人承認江華呢個人，係觀眾承認㗎咋。我冇質疑過自己，都冇睇唔起自己。當我做（戲）嘅時候我會全情（投入）去做，當我抽身嘅時候都會全程抽身，但你問我鍾唔鍾意，我係鍾意！」

{{hket:inline-image name="4.jpg"}}{{/hket:inline-image}}

佢仲解釋過點解唔會再拍《尋秦記》：「唔好啦，全部都老嘢喇！不過老闆有呢個心願都好嘅。我覺得一部電視劇或者電影可以成日人哋心目中嘅經典已經好勁，唔需要再拍過。以演員角度睇，20年前同20年後今日仲要拍同一個角色，究竟想表達啲咩？但從商業角度睇，大家都咁鍾意，係有追看性嘅。」

{{hket:inline-image name="47.JPG"}}{{/hket:inline-image}}

其實，經典呢樣嘢，捉喺手裏面會化為灰燼，反而留喺心入面，可以歷久常新。所以，都有網民同意江華嘅睇法，表示當年TVB劇集版《尋秦記》已經上咗神檯無法超越。