古天樂宣萱三演情侶默契爆燈 《尋秦記》成經典嘅6大關鍵

古天樂近日正式宣布開拍電影版《尋秦記》，同樣由佢、林峯及宣萱擔任主角，消息一岀，劇迷都超級興奮期待！事關2001年播岀嘅電視劇《尋秦記》係不少人心目中嘅神劇，當年掀起一股追劇熱潮，就算再次於TVB重播，依舊非常受歡迎。令《尋秦記》成經典，其實有呢6大關鍵，你哋又知唔知道呢？

1.穿越劇集嘅鼻祖

現時內地流行穿越劇集，好多部都成為經典如《步步驚心》、《宮》系列，不過要數真正開闢兩岸三地穿越劇先河，絕對係TVB 2001年嘅台慶劇《尋秦記》。當時嘅劇情算得上創新，講述21世紀特警隊長項少龍（古天樂）為挽回愛情參加穿梭時空研究，結果時光機數據出錯將佢送到到古代戰國。

{{hket:inline-image name="dd.jpg"}}{{/hket:inline-image}}

2.古天樂宣萱三演情侶默契爆登

古天樂同宣萱呢對經典螢幕情侶，絕對為《尋秦記》增添唔少火花。佢哋嘅默契唔係一朝一夕達成，喺演岀《尋秦記》之前，古天樂同宣萱於《寵物情緣》飾演展碩同阿文，仲有《刑事偵緝檔案IV》入面，佢哋都係演情侶。所以到《尋秦記》，已經係佢哋第三次合作，啲火花真係好勁！古天樂演岀嘅項少龍，同宣萱演岀嘅烏廷芳，絕對集歡喜冤家與虐戀情深於一體，當年深受觀眾喜愛，《尋秦記》得已成功，佢地呢對螢幕情侶功不可沒。

{{hket:inline-image name="2144_xpCuFD_v3clwnc.jpg"}}{{/hket:inline-image}}

3.林峯演秦始皇爆紅

如今的林峯chok到爆，不過當年佢演《尋秦記》時，仲未算一線男明星。林峯99年從TVB藝員訓練班畢業，一直做開茄哩啡，比如《創世紀》入面嘅獄警同《碧血劍》嘅蒙面黑衣人。全因為佢喺《尋秦記》將秦始皇嬴政演得夠岀色，先可以上位，成為當紅小生！到咗今時今日，只要提起秦始皇，總會浮現林峯嘅臉孔，證明佢嘅形象夠晒深入民心。

{{hket:inline-image name="b.jpg"}}{{/hket:inline-image}}

4.金牌監制莊偉健佳作保證

《尋秦記》嘅監制莊偉健，絕對係出品佳作嘅保證，佢製作過唔少經典劇集，例如：《大唐雙龍傳》、《倚天屠龍刀》、《鳳凰四重奏》。有佢嘅加持，都令到《尋秦記》成為經典！

{{hket:inline-image name="66p40000ps925r2751ro.jpg"}}{{/hket:inline-image}}

5.八成內地取景

以往TVB古裝劇畀人印象就係廉價同簡陋，不過《尋秦記》破天荒北上神州三地拍攝，仲要八成都係內地取景，絕對唔馬虎，有用心製作！

{{hket:inline-image name="gutianle-e1440129623996.jpg"}}{{/hket:inline-image}}

6.台詞中英夾雜夠搞笑

古天樂飾演嘅項少龍係個由廿一世紀穿越到古代嘅人，遇到最大難題係咩？係語言！香港人講嘢不時中英夾雜，古天樂都改唔到呢個習慣，喺古裝劇不時爆英文，非常搞笑，例如「我真係很感動，你居然為咗我連你嘅honey都敢罵。」就算同心愛嘅宣萱表白，佢都硬係要加句英文「I Love you~」。

{{hket:inline-image name="38bdab8be3a5fa3_w535_h408.jpg"}}{{/hket:inline-image}}