陳家樂駕駛技術差過陳瀅

陳家樂、姜麗文及王子涵昨日到電視城錄影節目《兄弟幫》，分享拍攝劇集《廉政行動2019》的點滴，家樂透露該劇已煞科幾個月，眾演員一直都想舉行慶功宴，奈何大家各有各忙，難以抽空。家樂表示︰「希望套劇播到第五集可以約得成，我哋仲出動獎金、獎品去引誘大家出席，陳瀅話拎五位數出嚟，咁我都要啦。」家樂更自爆監製林超賢為增加刺激觀感，特別加插了一場飛車戲︰「但唔係我揸車，係陳瀅揸，佢手車好辣，仲成日笑我揸車唔叻。」