著名監製潘嘉德近日在社交平台分享照片，原來是跟他同樣出身第四期訓練班的同學梁碧玲擺酒嫁女嘅大日子，同埋仲有黃杏秀、區瑞強、石修等等，至於梁碧玲係邊位？大家又記唔記得呢？佢就係《香港81》至《香港86》系列入面個秘書蘇小姐喇！見佢保養得好好，雖然剪咗一頭短髮，不過大眼睛一望就認得出，而且有少少似《愛回家之開心速遞》嘅龍家二太太蘇恩磁。嘉賓之中，大家最有印象當然是同劇嘅「順嫂」梁葆貞，原來細數手指，佢已經屆83歲高齡，不過見佢打扮得高貴大方，非常得體，同個老字好似相距好遠咁，非常厲害。
「順嫂」睇落去點都唔似年過80啦！(圖片：潘嘉德Facebook）
梁碧玲一頭爽朗短髮，絕對係時尚外母。(圖片：潘嘉德Facebook）
梁碧玲嫁女擺酒，圈中老友記同賀。(圖片：潘嘉德Facebook）
其實梁葆貞早年已經移民加拿大生活，但由於大部分朋友在香港，所以她每年都會返港跟大家食飯聚會，有時候會出席慈善盆菜宴，跟市民見見面，而梁碧玲拍完《香港八六》後，就嫁給台灣富二代，育有兩名女兒，現時在紐西蘭奧克蘭定居，早於今年1月，黃杏秀曾經上載梁碧玲返港的聚會照片，更附上一張第四期訓練班同學的黑白合照，她都不禁慨嘆：「光陰似箭！」
潘嘉德、李國麟、導演黃建勳等都有聚會。(圖片：黃杏秀微博)
黑白圖片，大家又認唔認得邊個打邊個呢？(圖片：黃杏秀微博)
《香港81》至《香港86》系對好多香港人而言是一個美好的童年回憶，當年1981年首播，圍繞「銀禧小食店」前鋪後居的家庭生活，人物包括小食店老闆懋叔（黃新飾）、師奶順嫂（梁葆貞飾）、經紀佬陳積（顏國樑飾）、八卦秘書蘇小姐（梁碧玲飾）、阿康（李成昌飾）等等，每集故事都是講及社會時事議題，一共拍了1330集數，是香港集數第二多的劇情。
見到呢個片頭畫面，《香港83》首輕快主題音樂已經喺腦海浮現。(圖片：網上電視截圖)
蘇小姐經常跟老闆覺悟因到小食店吹水，右起是李成昌和李家鼎。(圖片：網上電視截圖)
順嫂飾演無知婦女，反映社會當時的女性地位未夠高。(圖片：網上電視截圖)