袁偉豪暴瘦20磅變人乾 網民感嘆崩壞激似老夫子

娛樂圈盛產美魔女、凍齡男神，個個食咗防腐劑咁，踏入5字頭望落仲係30歲咁，好屈機不過唔係人人都咁得天獨厚嘅，未到4字頭嘅袁偉豪近排就被網民發現未老先衰！事關袁偉豪近排喺Instagram post嘅相極度崩壞，唔止雙眼凹陷，皺紋多過人，甚至冇清黑頭又冇剃鬚，似足老夫子咁，仲誇張過早排似癌症病人嘅時期。啲網民嘅留言毫不留情，話自從袁偉豪同咗張寶兒一齊之後就愈來愈放任，冇清潔過塊臉咁：「好神奇，點解同張寶兒一齊之後佢可以劣化到咁，遲啲兩個結埋婚點算」、「同張寶兒一齊變咗第二個人，依家啲鬚好核突，好猥瑣，明明以前好型」等。

睇返袁偉豪以前好靚仔，直頭係個小鮮肉嚟㗎！年紀輕輕已經係新法書院校草，16歲嗰陣仲當選過1997年嘅「Yes!校花校草選舉」添。因為有個靚仔樣，袁偉豪仲快人一步入行，一邊讀書，一邊入行做模特兒同拍戲，有唔少幕前演出，好巴閉㗎。為咗樣同身材兼得，做個全能男神，袁偉豪仲愛上做gym，任職高級私人教練。結果喺2007年8月11日，袁偉豪憑住健碩身形喺香港先生選舉中勝出，成為冠軍。入咗TVB後，袁偉豪好快上位，拍咗唔少劇集，去到2016年中無論睇返佢《EU超時任務》嘅警察制服look，定係《城寨英雄》嘅「牙佬」官仔骨骨look配8舊結實腹肌都好有型，簡直係全盛時期。黑頭、髮型、鬚都有得執返正，咁點解依家袁偉豪成個人乾枯如排骨，暴瘦得咁緊要？

▼1.0 戴lin環小鮮肉

{{hket:inline-image name="12.jpg"}}{{/hket:inline-image}}

▼2.0 牙佬交警靚仔男神

{{hket:inline-image name="15.jpg"}}{{/hket:inline-image}}

{{hket:inline-image name="17.jpg"}}{{/hket:inline-image}}

講到尾都係為咗新劇《鐵探》囉，劇中袁偉豪要飾演重案組督察尚垶，原本係警隊明日之星，但因為救同袍被悍匪用槍轟頭，結果受盡創傷後遺症的折磨。為咗演活角色，袁偉豪特登喺3個月激減20磅，由160磅速減至140磅，身體變得好孱弱。不過都有網民反擊，話套劇已經拍完成年，為咩依家仲要keep住呢個咁不羈嘅中佬造型呢？講真官仔骨骨嘅佢靚仔好多，依家睇落好唔健康啊！希望佢快啲增磅啦！

▼3.0 絕症病人

{{hket:inline-image name="16.jpg"}}{{/hket:inline-image}}

{{hket:inline-image name="13.jpg"}}{{/hket:inline-image}}

{{hket:inline-image name="11.jpg"}}{{/hket:inline-image}}

▼4.0 中坑阿叔

{{hket:inline-image name="14.jpg"}}{{/hket:inline-image}}

{{hket:inline-image name="18.jpg"}}{{/hket:inline-image}}