阮兆祥曬合照大讚單身筍盤 曾承諾「梅小惠50歲未嫁就娶佢」

昨日，阮兆祥喺社交網站上分享咗一張與梅小惠合照，留言寫道：想念我的最佳拍檔梅小惠嗎？並Hashtag咗「真人靚過上鏡」、「單身」、「筍盤」。呢個組合令到一眾網民超興奮，紛紛留言：「你們好襯」「好想念你們」「正到無朋友」。小惠2004年離開TVB，轉行做公關後，甚少機會再喺電視上見到佢，難怪大家都話好掛住佢。

{{hket:inline-image name="55798132_398081017655127_6410740766661935104_n.jpg"}}{{/hket:inline-image}}

(阮兆祥IG)

52歲嘅小惠同阮兆祥相識三十年，兩人非常老友。當年小惠同拍拖13年嘅曾偉權分手，阮兆祥更一直陪伴左右。佢哋除咗一齊搞生意，仲聯名買樓投資。雖然阮兆祥有個拍拖多年，而且感情穩定嘅女朋友Crystal，但阮兆祥就曾經同小惠承諾過「50歲仲未嫁人就會娶佢」。不過，後來佢亦有解釋：「我好感激遇到梅小惠，但我哋之間從來都冇任何愛情，大家只係兄弟情，彼此之間已經好似家人咁。我哋會邀請對方同屋企人食飯，當初講嗰句說話，係想安慰小惠屋企人，因為嗰時佢失戀，我怕佢屋企人擔心先咁講。」

{{hket:inline-image name="26151700_314204805755636_1754365214087708672_n.jpg"}}{{/hket:inline-image}}

(梅小惠IG)

兩人關係親密，不過阮兆祥女友卻從未有呷醋。阮兆祥仲曾經同女友講笑：「如果我實踐50歲娶小惠嘅承諾，記得小惠做大，你做細。」另外，阮兆祥亦表示同女友已有共識不婚不育：「唔想因為其他人嘅期望而去結婚，我唔會為咗滿足其他人，而去結一次婚俾人睇。結咗婚又係咪會令兩個人幸福咗呢？我又覺得唔會。咁多年嚟，我同女友關係好穩定，反而見到身邊好多人結咗婚好快又離婚，冇人嘅關係長過我哋。」睇嚟阮兆祥同女友真係打風都打唔甩，希望佢嘅最佳拍檔梅小惠都可以早日搵到個好歸宿喇！

{{hket:inline-image name="30087073_498663127203030_8331745038182645760_n.jpg"}}{{/hket:inline-image}}

(梅小惠IG)