劉丹跟太太相愛47年 樂做「小男人」聽晒老婆話

劉丹（丹爺）入行多年，近年憑TVB處境喜劇《愛回家之開心速遞》飾演嘅「根叔」，形象非常入屋，加上丹爺戲裡戲外都好照顧同劇演員，觀眾都超鍾意呢個熊家大家長！喺現實入面，丹爺亦是個好丈夫同好爺爺。近日佢上TVB節目《快樂中年》，罕有提到同太太李馥瑩相處嘅甜蜜點滴。

{{hket:inline-image name="ssss.jpg"}}{{/hket:inline-image}}

（TVB電視截圖）

{{hket:inline-image name="ddd.jpg"}}{{/hket:inline-image}}

（TVB電視截圖）

丹爺同太太已經相愛47年，結婚多年還是非常恩愛甜蜜，育有一仔一女，長子劉愷威同丹爺一樣對娛樂圈感興趣，年輕就岀道，而家已經係知名演員，專注於內地發展。由於太太唔係娛樂圈嘅人，亦喜愛低調，丹爺為咗保護佢，好少喺人前提到老婆。當旦哥喺節目入面問到，丹爺平時係咪好聽老婆話時，佢甜絲絲咁答：「選擇性嘅，大事我全部都聽佢，雞毛蒜皮的小事我就會扮晒嘢揸下主意咁。」丹爺岀道多年，初期演奸角為主，有時太投入角色，就算收工都抽離唔到，唔覺意會帶埋啲壞情緒返屋企，呢個時候太太就會提醒佢：「老公你做乜嘢？你啲脾氣壞咗咁多嘅？」丹爺仲話若果唔係多得太太，佢都唔知自己個嘴臉咁惡，所以話有好嘅賢內助好重要呀！

{{hket:inline-image name="TUNGSTAR5050450.jpg"}}{{/hket:inline-image}}

（東星圖片）

{{hket:inline-image name="TUNGSTAR5198918.jpg"}}{{/hket:inline-image}}

（東星圖片）

丹爺現年75歲，到咗呢個年紀，佢直言最快樂係見到孫女嘅笑容：「見到我個孫女對住我笑，叫我『爺爺～爺爺～ 』咁就真係最快樂啦！」丹爺嘅兒子劉愷威同著名內地女星楊冪曾有過一段婚姻，育有一個女兒「小糯米」。可惜呢兩公婆工作忙碌，聚少離多，去年已經離婚，而「小糯米」一直交畀丹爺同太太照顧。

{{hket:inline-image name="ffc.jpg"}}{{/hket:inline-image}}

（TVB電視截圖）

丹爺真係錫孫女錫到爆，孫女半歲大開始上幼兒班，丹爺同太太每日都親自接送。有時候孫女睇到電視劇有人打架，就跑過去同丹爺講：『我怕怕，打架！』講完仲倒喺丹爺懷裏，搞到佢成個人都軟化，心入面甜絲絲咁，孫女咁識撤嬌，難怪丹爺次次提起佢都好開心！