歐陽波比現身TVB莫非客串《愛回家》？ 網民急召群姐見偶像

大新聞！大新聞！歐陽震華（Bobby)現身TVB！！！莫非...莫非係客串《愛回家之開心速遞》？

話說尋晚《愛回家》編劇李綺華在微博上載照片，相中Bobby正在《愛回家》的海報上簽名，李綺華留言寫上：「歐陽波比大駕光臨！」然後Tag埋《愛回家之開心速遞》嘩，張相一出，電視迷立即哄動，大家即時召喚群姐（許思敏飾）去見偶像集郵，又猜想到底係咪為客串而開會，到底....到底網民係咪真係集氣成功呢？

{{hket:inline-image name="605df6ffly1g1io56hcjqj20u014046o.jpg"}}{{/hket:inline-image}}

Bobby在《愛回家》海報上簽名，成為劇中一份子。（圖片：李綺華微博）

《晴報》致電Bobby求證，他透過經理人Lydia表示：「我哋只係返TVB開會，剛好撞到《愛回家》嘅同事，Bobby貪玩即刻喺張海報上面簽名。我哋當然都好想拍《愛回家》啦，大家都好鍾意呢個劇，個劇真係好有趣，Bobby從影咁多年來，未試過無份參與一個劇，但又出現佢咁大個嘅人型紙牌，仲要整個劇情都有佢連貫住，我哋同公司反映咗想拍一、兩集玩吓，期待有份玩埋一份啦！」

提到Bobby在《愛回家》的「戲分」其實都唔少，話說清潔姐姐群姐（許思敏飾)一向以影迷心態迷戀歐陽波比（歐陽震華），曾經儲印花換取見面會門票，又幾乎為戀Bobby而誤墮網絡騙案，可惜兩人一直未有真正碰面的機會，群姐頂多都係同個紙牌人對戲。《晴報》前陣子邀請歐陽震華為群姐拍攝打氣片，更揚言好想去《愛回家》客串一、兩集跟群姐試試做對手戲，觀眾們一定要密切期待。(相關新聞：http://bit.ly/2GTiIXR) 

{{hket:inline-image name="1529748230_5f87.jpg"}}{{/hket:inline-image}}

過往群姐只能夠同「歐陽波比」的紙牌人做對手戲。(圖片：《愛回家之開心速遞》電視截圖)

{{hket:inline-image name="2650d3fd-00cd-4d5a-8464-e5c47f4b6cc2.jpg"}}{{/hket:inline-image}}

群姐在《晴報》專訪中直言好期待跟歐陽震華做對手戲。(圖片：《愛回家之開心速遞》電視截圖)

{{hket:inline-image name="BOB1.jpg"}}{{/hket:inline-image}}

歐陽震華為群姐拍打氣片，又現身TVB，令大家以為佢準備客串演出。(圖片：《愛回家之開心速遞》電視截圖)