《倚天屠龍記》兩代張無忌世紀同框 55歲吳啟華完勝內地「小鮮肉」？

劇集《倚天屠龍記》真係夠晒經典，淨係電視劇都已經翻拍咗8個版本，其中香港同台灣各拍咗3次，最近一次翻拍就係內地製作。昨日，兩代「張無忌」世紀碰面，旋即引起網民熱烈迴響。

最新一輯《倚天》男主角張無忌，由內地90後演員曾舜晞飾演。昨日，佢喺社交網站上分享咗一張與吳啟華嘅合照，留言指：猜猜我和無忌前輩兼陳教授，在幹什麼？相中吳啟華坐咗喺凳度玩緊電話，曾舜晞就喺後面，一齊睇住吳啟華部電話。而吳啟華亦有轉發相片，搞笑地指：研究九陽神功？

{{hket:inline-image name="69245c84ly1g1iqgj5omkj226w26rhdt.jpg"}}{{/hket:inline-image}}

不過正所謂「冇比較就冇傷害」，兩代男主角走埋一齊，當然引起網民熱烈討論。有網民就大讚吳啟華飾演嘅張無忌自帶深情儒雅，係最好睇、最經典嘅版本，「十幾年過去了，再看竟然瘋狂的喜歡你演的張無忌，尤其是那種深情的眼神！還有好幾個橋段的細節處理的非常好，大鬧喜堂那段，我覺得也完勝其他版本，細節演技爆表！」。

{{hket:inline-image name="t01b4285ae52c22f9fa.jpg"}}{{/hket:inline-image}}

有網民則批評曾舜晞眼大無神，演技有待改善，仲叫吳啟華過兩招畀佢。除咗演技，唔少網民更指吳啟華擁有天生不老容顏，多年嚟個樣冇變過，靚仔過曾舜晞：「吳啟華還是這麼年輕，顏值真的高」、「怎麼還是這麼帥」、「吳大叔更帥」、「一個風度翩翩，一個濃妝艷抹」。

{{hket:inline-image name="0070naZily1g11hsj8maej31hc0tzked.jpg"}}{{/hket:inline-image}}

其實兩位張無忌各有千秋，真係難分高下，不過佢哋私底下交情甚篤，早前吳啟華喺新《倚天》播出前，亦有親自為曾舜晞宣傳兼打氣，非常有義氣。今次見面亦唔係世紀同框咁簡單，佢哋更會一齊合作。據知兩人正在拍攝《我在香港遇見他》，入面仲會有對手戲，真係令人期待呀！

{{hket:inline-image name="334.jpg"}}{{/hket:inline-image}}