粉碎杜汶澤攬女幽會傳聞 田蕊妮：我可以每朝發佢脾氣

杜汶澤同田蕊妮呢對夫妻，自2005年結婚以嚟已經陪伴彼此14年，經歷唔少風雨。阿澤為人火爆，不時因亂講嘢得罪人，又經常傳岀負面消息。近期佢更傳岀疑似背著田蕊妮，帶女仔返屋企密會岀軌，雖然事後阿澤有澄清係同朋友喺屋企開party，又上傳咗張勁多人嘅合照到IG，可惜依舊被網友寸佢「岀去玩」。作為老婆嘅田蕊妮當然第一時間岀嚟幫佢撲火，仲話一早知老公開party添！

{{hket:inline-image name="11045398-10152854674047017-4162570619694427319-n_img_885_590.jpg"}}{{/hket:inline-image}}

（田蕊妮IG圖片)

{{hket:inline-image name="v.jpg"}}{{/hket:inline-image}}

（杜汶澤同朋友喺居企開party,IG圖片)

阿田唔單止同老公澄清，近日仲上埋TVB節目《兄弟幫》同大家分享佢同杜汶澤甜蜜相處，「佢成日宣掦我嘅好，開口埋口都話『我老婆好正』，只係我比較少講佢嘅好姐」睇嚟阿田誓要為老公大洗底！外界都認為杜汶澤係個脾氣火爆嘅人，田蕊妮話阿澤對住佢正正相反，結婚11年從來無發過脾氣：「我好容易無耐性，成日黑佢（杜汶澤）面。我可以每朝都發佢脾氣，但佢從來無對我做過呢啲嘢。無論我想做咩，佢都好支持我，我覺得佢真係100分。」

{{hket:inline-image name="wwwg.jpg"}}{{/hket:inline-image}}

（TVB電視截圖）

一個好嘅伴侶，會讓人不斷變好，田蕊妮大讚杜汶澤改變咗佢好多壞習慣。阿田因為從小到大都有極嚴重嘅起牀氣，二人啱啱同居時，佢每朝都會對住阿澤發脾氣，而杜汶澤從來無鬧返佢，反而好耐性地循循善誘：「其實你可以試下搵一日起身，説服自己唔係咁暴燥，你聽日開始就慢慢試啦。」漸漸地阿田嘅起牀氣就消失咗，一切都多得杜汶澤！

{{hket:inline-image name="dda.jpg"}}{{/hket:inline-image}}

（TVB電視截圖）

杜汶澤仲會教導田蕊妮正確夫婦相處之道，有一排阿田睇老公做乜都唔順眼，阿澤就話：「你覺唔覺得呢排你只睇到我嘅缺點，你啱啱開始拍拖唔係咁，其實人係無優點同缺點，睇你用咩角度去睇㗎咋。」嗰一下田蕊妮先恍然大悟，用返個欣賞嘅態度同老公相處，其後一直都好融洽，甜甜蜜蜜，阿田仲大讚杜汶澤令佢對事物嘅睇法都進步咗好多！

{{hket:inline-image name="18952640-10154812016947017-1042622511333396086-n_img_885_590.jpg"}}{{/hket:inline-image}}

（田蕊妮IG圖片)