入行首個世界巡唱 千嬅感謝丁生助圓夢

楊千嬅前晚在廣州展開《MY BEAUTIFUL LIVE楊千嬅世界巡迴演唱會》首站，獲老公兼監製丁子高、以及千嬅父母現身支持。出名易喊的千嬅坦言今次完成巡唱夢想，全靠老公為她打點安排，更希望明年舉行香港站，為巡演畫上完美句號。

千嬅前晚舉行入行24年以來，首個規模盛大的世界巡唱首站，千嬅換上多套靚衫，以《可惜我是水瓶座》打開序幕，唱出多首金曲後說︰「每個人都有自信同充滿力量嘅時候，但同時都會好脆弱、挫敗同無安全感，我行到今日都係靠心口掛個勇字，好彩有你哋陪我。」隨後千嬅唱新歌《穿越》，忍不住哽咽說︰「呢個演唱會係想同大家分享，我呢24年都穿越咗好多美麗人生。多謝大家陪我夢想成真，呢刻我好激動，我想舉行巡迴好耐，多謝大家畀機會我。」

直到演唱會尾聲，千嬅感性表示︰「我希望有生之年，可以去唔同地方唱畀大家聽，去見一啲未見過楊千嬅嘅人。」她特別感謝父母之餘，亦公開多謝老公丁子高︰「多謝丁生鼓勵我，巡唱呢件事一直喺心中，有咗家庭同小朋友之後，夢想變得好遠，係佢同我講『你做啦，我會諗辦法』，先至成就到今日。」

望明年壓軸開港騷

千嬅完騷後受訪，笑言巡唱籌備已久︰「啱啱成立咗新公司，好多嘢要由頭做起，多謝唱片公司配合，幫手聯繫歌曲版權，丁生又落手落腳同人傾。」她表示未來一年會集中到各地巡唱，希望明年年中開香港站。

問她開巡唱是否壓力很大？她說︰「我已經跨越咗壓力、喜悅同感動，今次有好開始，係支好大嘅強心針。」她又謂在台上感謝父母時最感動︰「父母以前帶我周遊列國，我想帶番佢哋去唔同地方唱歌，係最快樂嘅。」

撰文︰Pauline

編輯︰李潔盈

美術︰梁政敏