黎明在一條瘋傳的短片中聲稱被內地富婆操控拍劇，要求收到短訊人士安排贖金，好讓他平安返港出席金像獎......大家放心，這個短片是由香港警察Facebook發出，原來黎明以「明福俠」身分為香港警察拍攝愚人節短片，劇情講到有不少人收到黎明聲線的求助聲音短訊，聲稱被內地富婆操控拍劇，急住叫大家幫手畀贖金，等佢可以返香港出席金像獎頒獎典禮！有無知女士以為真的是黎明求助，在網上過數予騙徒，黎明隨後在短片中搞笑說：「真係當我懵仔魚呀？我邊會拎到金像獎丫？如果懷疑自己做咗懵仔魚嘅，請即打熱線18222。」
短片一出，已經狂吸Like同Share，有網友留言說：「Leon條片好正，真的好多電話騙人的，提醒大家注意，真是好事！」、「好型呀，條片估佢唔到。」、「Leon 我係流華，剛剛過數畀富成，暫時無錢畀你，你問學友仔啦。」而黎明在專頁上分享短片，並留言說：「I do believe...本人或你本人都最憎被騙！提醒大家唔好做懵仔魚，一年得一日係愚人節，冇人想同自己額外慶祝多個愚人節，防被騙！」
黎明遮住眼都認得出係黎明啦！（圖片：香港警察Facebook短片截圖)
呢兩個騙徒刻意扮黎明把聲錄音向人求助騙財。（圖片：香港警察Facebook短片截圖)
女事主因為黎明的聲線而慘被騙去大筆金錢。（圖片：香港警察Facebook短片截圖)
黎明聽完短訊，搞笑說：「我點會拎到金像獎？」（圖片：香港警察Facebook短片截圖)
黎明呼籲大家要小心受騙。（圖片：香港警察Facebook短片截圖)
黎明最新金句：「你當我係懵仔魚呀？」（圖片：香港警察Facebook短片截圖)
其實黎明為政府部門拍片並非首次，早前他獲任終身年金宣傳大使，更刻意化老妝扮長者談及年金問題，令短片得以廣傳。而黎明多年來擔任影視娛樂博覽的大使，剛剛3月過去的影視娛樂博覽，他特別將博覽的簡介倒轉講，而且又快又流利，非常強勁，加上黎明的歌迷之多又遍布全球，相信有些溫馨提示的訊息由他拍片就最容易得到最佳的宣傳效果。大家愚人節小心被騙之餘，都要謹慎不要亂信騙徒的訊息。