郭羨妮(Sonija)自從結婚生下囡囡之後,近年甚少在香港拍劇,對上一部TVB劇集已經是2015年的《無雙譜》,離開無綫後,她為港台和大陸各拍一個劇集,但產量明顯減少。網友期待已久的神劇《尋秦記》開拍電影版,由古天樂參與投資,在過去3月的影視娛樂博覽中,已經宣布正式開拍,劇集原班人馬的演員如古天樂、林峯、郭羨妮、滕麗名和雪兒等都成功「埋班」,偏偏獨欠江華一人。
▼click以下link知多啲啦
《尋秦記》電影上月舉行記者會,主角人選幾乎是原班人馬,只欠江華一人。
Sonija為護膚品牌拍攝廣告,明艷照人。(《晴報》圖片)
電影原班人馬獨欠江華
Sonija為護膚品牌拍攝廣告,被問到開拍《尋秦記》,她說:「電影入面,大家唔需要演返當年事,因為今次唔係翻拍,而係當時嘅故事完咗,時間繼續落去,過咗20年,而真實時間都係過咗20年,做返自己年紀,做一個全新故事,造型都會不一樣。」問到是否跟其他演員都有保持聯絡?Sonija說:「無,江湖上面嘅演員有緣碰見就合作,合作完就拜拜,各自有工作。除非做咗朋友啦,但當年並無。(主要演員獨欠江華?)其實差好多人,我唔係老闆,唔好問我!」
Sonija透露《尋秦記》無須要回塑到20年前,讓她好放心。(《晴報》圖片)
江華未有在電影的演員名單中,Sonija說:「我唔係老闆,唔好問我啦!」(《晴報》圖片)
穿越劇集《尋秦記》是經典作品,就算近年深夜重播,都大受歡迎。(網上圖片)
20年前初生之犢
2001年拍攝的《尋秦記》是Sonija第一個劇集,她說:「當時我真係乜都唔識,亦無受過任何演戲訓練,去到一邊學一邊拍,我仲記得當時一roll機著燈,我個心跳快到好似眼前一黑咁,真係好驚。而且,當年嘅對白好難記,但劇組已經要求我哋好似有經驗演員一樣,一按掣就識喊,當時我都好好奇到底點解佢哋咁快可以喊到?」她笑言儘管《尋秦記》在過往有在電視上重播過,但她都不會翻看自己的作品,她不想自我批評,反倒令自己不開心。
《尋秦記》中,Sonija的仙氣造型令人難忘,不過她透露新電影版本不會再用。(網上圖片)
Sonija說:「《尋秦記》電影我都好期待,因為知道好多人鍾意呢個劇,我亦都覺得佢哋好重視呢次製作,唔會馬虎,希望到時會有好成績啦!」她認為一直對拍劇有興趣,只是不想時間太長,像大陸拍劇很多時候要一上就上三個多月,她現時最重要方便照顧家庭,未來希望嘗試演律師、醫生或者身手不凡的女俠,挑戰未試過的角色。
Sonija曾經演過警察的角色,她笑言仍然想拍攝,更希望挑戰女俠的角色。