周嘉洛 吳偉豪 拍全新宣傳短片 撑7-SIGNATURE點心

唔少香港人都係「一盅兩件」嘅粉絲，黛安留意到7-Eleven幫自家品牌全新點心系列拍咗條宣傳短片，仲由TVB劇集《愛‧回家之開心速遞》嘅好拍檔，周嘉洛（飾洛仔）和吳偉豪（飾壹一）做男主角呀。

喺短片入面，佢哋飾演一對感情深厚嘅難兄難弟，不過吳偉豪飾演嘅壹一暫時要離開洛仔一段時間，周嘉洛飾演嘅洛仔就決定以「用心‧簡單‧滋味」嘅7-SIGNATURE點心代替自己，照顧離開大學宿舍讀書嘅壹一，雖然唔可以時刻喺身邊照顧對方起居飲食，但都心繫對方。

24小時營業、遍布港九新界嘅7-Eleven，非常方便，又提供咗多款唔同點心，包括蝦肉燒賣、蝦餃、潮州粉果等，洛仔叮囑壹一只要將點心包裝簡單剪開一角，放入微波爐叮一叮就可以食，唔好餓壞。

聽公關姊妹話，周嘉洛和吳偉豪拍攝嘅時候，大讚7-Eleven自家品牌全新點心好好味道，可以一口一件，仲推介在場人士即試點心，試食反應都好熱烈，仲一齊開心合照，成個拍攝過程氣氛高漲。

姊妹話，即日起至下星期二（9號）憑優惠劵買指定14款7-SIGNATURE點心2件，即送維他無糖茶一支。