【聲明】港生活網站並無進行電話推廣活動

為傷健人士領跑 梁家輝自認「宅佬」

發佈時間: 2019/04/15

梁家輝昨日一早到中環出席傷健慈善跑活動,精神奕奕的他更首度擔任領跑員,帶領傷健人士跑步。家輝自言是「宅佬」一名,平日沒有跑步習慣,笑言今次是傷健人士帶領他從家中走出來。

梁家輝昨日出席「博愛x老夫子香港慈善跑2019」,他人生第一次做領跑員,帶領一位視障人士在中環跑三公里。他笑說︰「本身老夫子就係我哋呢班『老香港』嘅集體回憶,由細睇到大,所以一收到大會咁有意義嘅邀請,就即刻答應做領跑員。」家輝為了活動更特地加操,他說︰「賽前要同班傷健人士操練,我操練前專登跑多幾日,keep一keep fit,點知原來佢哋仲叻過我,傷健人士為咗跑步可能要比平常人落多十倍嘅努力,嗰份毅力真係好值得敬佩,希望我呢個舉動可以引起社會關注,為傷健社群作出貢獻。」

家輝坦言其實平日沒有跑步習慣,他自嘲說︰「我係個『宅佬』,我先係對社會有障礙嗰個。其實做領跑員都有困難,不過都跑咗三公里,成個氣氛好好。」他表示領跑前花了個多月時間訓練︰「我哋真係落跑道,只得三次,但都完成賽事,仲無包尾喎!我覺得自己心情同狀態都唔錯。」他表示日後下定決心保持跑步習慣,希望鼓勵全民運動︰「希望多啲人做義工,帶多啲有社會障礙人士跑步。」

以後多用「呂奇腔」

另外,早前家輝在戲院以「呂奇腔」成功平息觀眾爭執,獲網民大讚。家輝笑說︰「當時大家欣賞緊電影,環境黑麻麻我先夠膽咋!大家睇戲無謂受咁小事影響,如果我呢個腔可以平息,咁我以後用多啲。」

撰文︰Pauline

編輯︰李潔盈

美術︰梁政敏

梁家輝笑言小時候喜歡看《老夫子》漫畫。