近期有位《東張西望》新晉女主持黎寛怡（Kitty）引起觀眾關注，事關佢於1月份劇集《大帥哥》祝捷晚宴嘅訪問期間突然「爆喊」，搞到張衛健同一眾演員不知所措。當時黎寛怡邊喊邊解釋「我係笑到標咗眼淚但又唔好思意收返入去。」，張衛健即時畀佢嚇親，之後勁紳士、勁溫柔咁安慰返佢，叫佢唔好太緊張。呢個訪問小插曲使黎寛怡爆紅，人人都想知佢幾邊個，亦有人質疑佢係扮喊搏鏡頭，一時之間眾説紛紛。
（TVB電視截圖）
（TVB電視截圖）
時隔幾個月，早幾日播岀嘅《東張西望》，黎寛怡訪問《衝上雲霄》幾位主角吳卓羲、黃宗澤、馬德鐘同胡定欣時，又再次爆喊，今次惹嚟網民狂鬧爆佢搏上位呀！
（黎寬怡IG圖片）
（事後黎寬怡有IG岀文解釋當時點解爆喊）
是次訪問，主持黎寬怡一開始就好大聲、好興奮咁講：「呢個《衝上雲霄》嘅場景又出現喇！好經典啊！」吳卓羲即刻講笑：「得你一個興奮咋」。之後黎寬怡再問佢哋幾個有無喺後台瘋狂自拍，馬德鐘講影咗幾張，但吳卓羲、黃宗澤故意「玩野」咁答：「本身電話無相機功能」、「大家其實都好冷漠」。眼見受訪者咁「冷淡」，黎寬怡又得唔到自己想要嘅答案，於是佢再次爆喊，搞到場面一度尷尬，胡定欣即刻爆咗一句「又喊？」而吳卓羲嚇到即時話：「你照問啦，唔好喊。」後來胡定欣拖住黎寬怡隻手，佢先慢慢冷靜落嚟。
（TVB電視截圖）
（TVB電視截圖）
（TVB電視截圖）
唔少觀眾睇完段訪問，都覺得黎寬怡成日喊好煩，仲話做主持咁細膽點得？網上亦有好多負面評價，如：「睇到呆咗」、「被人窒兩句就亂哂陣腳仲要喊，真係尷尬到唔敢睇」、「有人鬧佢咩，喊乜?」、「咁都做到主持，係咪有後台？」、「搏上位定真緊張？」。仲有激動嘅網民衝入黎寬怡嘅Instagram留言，叫佢收聲唔好再喊。唔知你哋點睇呢件事呢？
（有激動嘅網民衝入黎寬怡嘅Instagram留言,黎寬怡IG圖片）