裕美明白「出軌」罪名壓力大

黃心穎與許志安「安心出軌」轟動全城，曾被指背夫與黃子恆發展婚外情的裕美，昨日出席《世界地球清潔日》時說︰「我同心穎喺《堅離地愛堅離地》合作，我好擔心佢，呢件事所有人都好大壓力，人哋私人嘢我唔發表意見，只希望搞清楚件事。（有聯絡心穎？）有簡單text佢，希望佢一切安好。」

裕美坦言明白箇中壓力︰「兩人關係一言難盡，外界點睇同私下咩事又唔同。」是否鍾情有婦之夫？她誤以為指心穎︰「兩人係點相交唔清楚，我覺得應該釐清關係先一齊，但好多時情到濃時控制唔到，做咗唔啱timing嘅事。」另外，裕美不知《堅離地》已被抽起︰「我反而擔心事件中人，我遇過呢啲新聞，當時覺得人生絕望，只能鼓勵佢哋都係一個人生歷程。」