【聲明】港生活網站並無進行電話推廣活動

自認偏心細女 郭晉安︰連命都畀埋佢

發佈時間: 2019/04/24

郭晉安(安仔)與陳柏宇(Jason)昨日出席於中央圖書館舉行的《4.23喜閱無界限》活動,二人分享閱讀心得。育有一對仔女的安仔,坦言比較偏心細女,笑言女兒夠細心,令他十分窩心。

郭晉安與陳柏宇昨日在活動上分享親子共讀心得,安仔坦言以往為人性急,經常催促子女無論做甚麼都要快,但他閱讀過《與潘霍華一同默想主的降生︰41天靈修之旅》後,不但學懂凡事放慢腳步,同時更影響子女的脾氣,現在家庭氣氛較以往溫和得多。

而Jason則希望待囡囡Abigail長大些,協助她培養閱讀習慣。談到現時七個月大的囡囡,Jason笑說︰「我望住個女簡直一副冧樣,連老婆都投訴我點解從未咁樣對過佢!」他表示抱住女兒唱歌時,女兒更會跟住「咦咦呀呀」,好像懂得唱歌一般。在旁的安仔聞言,笑指現年七歲的女兒亦遺傳他的演戲細胞︰「囡囡啲表情仲豐富過我,我單起一隻眼,佢就單起兩隻眼。」

遺傳演戲細胞

問安仔是否較偏心女兒?他說︰「都會有少少,其實係唔同類型嘅關心,視乎仔女唔同需要。」Jason表示兩公婆有共識再生第二胎,但擔心會忽略其中一個,問安仔可有湊兩個小孩的心得傳授?安仔笑說︰「唔使㗎,一路睇住佢長大,你真係連命都畀埋佢。尤其是囡囡係好窩心,會走入爸爸個心入面;囝囝就相反,要爸爸走入佢個心,可能囡囡天生有呢種能耐,逗得父母好開心。」

另外,近日「安心出軌」事件全城轟動,提到跟許志安同樣叫「安仔」,可會感到尷尬?安仔笑謂︰「點會尷尬,大家唔好再講,會令件事更加好。」

採訪︰Pauline

編輯︰李潔盈

美術︰梁政敏

陳柏宇踢爆老婆呷囡囡醋。