結婚10年似甜蜜初戀 陳琪胡諾言孖仔女再影婚紗相

藝人胡諾言同陳琪結婚多年，育有兩女一子，婚姻生活非常幸福美滿，二人亦不時喺社交網絡大曬家庭樂，非常溫馨。今個月27號將會迎來佢哋結婚10周年，陳琪特地選擇再影一輯婚紗相，嚟慶祝呢個喜慶嘅日子。今次陳琪爸媽、妹妹同妹夫都有份，呢輯家庭婚紗照夠晒特別呀！

{{hket:inline-image name="sss.jpeg"}}{{/hket:inline-image}}

（陳琪提供圖片)

{{hket:inline-image name="ggg.jpeg"}}{{/hket:inline-image}}

（陳琪提供圖片)

陳琪狀態大勇，就算已經生咗三個小朋友，身形依舊keep得好好，今次著低胸婚紗靚到爆呀！現時胡諾言同陳琪跟家人正在日本旅遊，除咗預祝10周年結婚紀念日外，亦係享受家庭樂。

{{hket:inline-image name="ttt.jpeg"}}{{/hket:inline-image}}

（陳琪提供圖片)

{{hket:inline-image name="tt.jpeg"}}{{/hket:inline-image}}

（陳琪提供圖片)

啲人成日話夫妻一齊耐咗感情會變淡，更會有「七年之癢」，不過胡諾言同陳琪完全無呢個問題。結婚咁耐仲係同初戀一樣咁甜蜜，不時俾人拍到兩公婆拍拖食早餐，又sweet爆拖手仔行街買衫。陳琪仲會做「跟得老婆」，早前胡諾言跑馬拉松，佢化身小粉絲全程為老公打氣，企定定喺終點等老公衝線，仲話好為佢自豪添！

{{hket:inline-image name="ddd.jpeg"}}{{/hket:inline-image}}

（陳琪提供圖片)

胡諾言努力喺外面工作賺錢，而陳琪就為佢打點好屋企嘅一切。除咗做幸福胡師奶，最近陳琪仲踩入網紅界，經常拍片同人分享⼀啲平靚正嘅化妝護膚品，收穫唔少師奶粉絲，成功殺岀一條血路。陳琪仲話轉型做KOL，反而仲多咗拍廣告機會：「以前做電視都唔會有人搵我拍廣告，反而依家多人識我，機會多咗！」

{{hket:inline-image name="ffff.jpg"}}{{/hket:inline-image}}

（網上截圖)