捲「安心出軌」 森美獲太太信任鬆口氣

森美近日捲入「安心出軌」事件，有傳黃心穎鄰居聲稱目擊心穎拖已婚男DJ回家，成為嫌疑人物的森美昨晚出席慈善球賽時淡定回應︰「做呢行都預咗，但太太對我信任，反而身邊朋友會問，呢樣先係家人嘅壓力。」他指昨日有報道澄清該男DJ不是他，希望減低家人疑慮︰「報道出咗我都鬆一口氣，太太笑容都多咗，我重申嗰個人唔係我。（覺得食死貓？）都有諗過，最擔心太太同小朋友背負無謂嘅壓力。」

另外，跟森美主持商台節目《公子會》的拍檔劉翁，昨日被指才是「已婚男DJ」嫌疑人，森美說︰「將心比己，都明白劉翁嘅痛苦，我唔評論喇！」而劉翁太太柳瑩昨日亦在社交網力撑老公清白，同時指心穎的壓力已極大：「唔好再將工作上面認識嘅男人全部入佢（心穎）數。」

採訪：Pat