【聲明】港生活網站並無進行電話推廣活動

《東張西望》女主持被指衣著太暴露 激嬲觀眾:行山變色情節目

發佈時間: 2019/04/25

由今年年頭開始,TVB資訊性節目《東張西望》為公屋居民伸張正義,幫助報道大大小小環境、住宿問題,讓政府有關部門與機構馬上跟進,有警惕作用,大獲好評。觀眾激讚節目從齋報娛樂八卦新聞,去到如今為基層市民發聲確實有進步,甚至揚言有事不要依賴政府,找《東張西望》更有效率又有用。可是好景不常,近日網上出現投訴節目的聲音,有網民針對上星期去山澗進行採訪及實地視察的女主持,批評她衣著過分暴露,令節目變成色情節目。同日,亦有不少網民於連登討論區發新帖文討論女主持人的打扮,有人覺得她博上位;不過大部分人其實都是支持女主持人,認為行山會出汗,著小背心沒有問題,反指投訴的人大驚小怪,太封建保守猶如古代人一樣。

事緣大埔美景梧桐寨隱藏種種奪命陷阱,早前更有菲律賓籍女行山客失足由30米高瀑布頂,飛墜水潭底重創身亡。攝製隊與女主持阮嘉敏隨山藝教練走訪意外現場一帶,視察沿路危機所在,看看自拍暗藏甚麼危機。當日阮嘉敏穿上螢光粉紅色露腰Sport bra,加上灰色緊身運動褲,走動時會顯現出Bra邊,但都很正常。除了訪問途人和專家外,阮嘉敏亦有嘗試攀爬山澗,直至她吃力地爬上去時,整條底褲形狀表露無遺,而且攝影師放大鏡頭,她的屁股佔據大半個畫面,角度頗為尷尬。結果有位女觀眾將畫面截圖,並分享到Facebook群組「將軍澳」,認為她的衣著容易引人幻想:「《東張西望》畀個外派主持著到咁樣去訪問,請問呢個係色情節目嗎?不如改個節目名再轉埋播放頻道啦。」,還hashtag 「性在有訪問」。

{{hket:inline-image name="111.jpg"}}{{/hket:inline-image}}

(TVB電視截圖)

{{hket:inline-image name="12.jpg"}}{{/hket:inline-image}}

(TVB電視截圖)

{{hket:inline-image name="13.jpg"}}{{/hket:inline-image}}

(TVB電視截圖)

{{hket:inline-image name="14.jpg"}}{{/hket:inline-image}}

(TVB電視截圖)

有網民和應這位女觀眾,覺得阮嘉敏的衣著的確不合適,需要檢討一下:「點解我行山冇見過人咁樣著,成個肚兜咁分明博出位。好心佢,行山做採訪使唔使著成咁,想搏出位但冇嘢睇,夾硬露啲嘢畀大家睇咁。」、「恥骨都現埋真係好痴(黐)線,成人節目咩,屋企人都話:條女著成咁既。好有機心,次次見親佢訪問都係咁。」、「唔怪得老公咁專心睇電視唔食飯,應該最少9成男人忘記主持講乜。」、「發覺依家啲女成日咁著,上身成日透視Shirt、深色Bra見肉,下身緊身褲同鮮色底褲,件衫仲要露腰,照鏡見唔到走光?時代變,以前啲女著衫露bra帶都會遮返,但而家擺明想比人視姦。」

不過大部分網民都認為事主小題大做,反指她自己心邪,有網民指出阮嘉敏當日需要到山澗進行訪問,這身打扮絕對合理:「心有邪念,就會見到邪嘢,著件背心仔有咩問題?上山唔係咁著,唔通著西裝呀,點解唔報警話周街啲女人都好暴露?」、「啲師奶自己著唔到就話人暴露,主持人夏天著長衫長褲行山中暑,佢哋咪又會鬧」、「入嚟就係想睇有幾暴露,咪普通後生女衣著,香港應該係東亞,東北亞地區,除北韓外,都算好保守吓。」等等。

{{hket:inline-image name="15.jpg"}}{{/hket:inline-image}}

▼當日不同網民一見到都瘋狂影電視留下證據

{{hket:inline-image name="11.jpg"}}{{/hket:inline-image}}

{{hket:inline-image name="16.jpg"}}{{/hket:inline-image}}

▼利穎怡、林泳淘也是被網民指衣著太暴露的《東張西望》主持

{{hket:inline-image name="18.jpg"}}{{/hket:inline-image}}