戀崔碧珈 吳浩康默認儲老婆本

吳浩康（Deep）近年努力洗脫花弗形象，除了在工作上比以前更積極，就連感情生活也有新進展。早前被指與崔碧珈密會四個月，他只承認現階段會以工作為重，但同時對婚姻亦有憧憬。

吳浩康前晚以表演嘉賓身份出席「芝華士明星籃球慈善賽賽後派對」。對於早前傳與崔碧珈拍拖，Deep先多謝大家關心，並稱讚對方是一個好女仔，不過他重申現階段以事業為重︰「無論遇到邊個對象都好，依家目光會長遠啲，會以工作為先，咁樣先可以歡迎新嘅家人，因為以工作為先係最成熟嘅方法，也很期待有新成員同新衝擊。」

已到適婚年齡

問Deep是否正努力儲老婆本？他坦言︰「到呢個年紀要好好準備將來，（視崔碧珈為結婚對象？）無論對象係邊個都需要，真係要好好準備一下，（家人好心急？）當然有，我覺得36歲係適婚年齡，爸爸睇到家姐成家，亦想我有下一階段令佢安心，（見過家長？）我見過佢媽媽，（佢見過你爸爸？）仍未發展到呢個地步，只係我時運高咁啱見到佢媽媽啫。」

崔碧珈經常因工作不在香港，問到他們如何維繫感情？Deep表示現時朋友去任何地方也很容易聯繫，他的家姐在外國定居也經常聯繫來維持感情。女友是否要錫多些？他說︰「未傾到咁長遠。」

撰文︰Pauline

攝影︰林良明

編輯：黃卉彤

美術：顏玉玲