何廣沛英雄救美 朱晨麗踩三輪車險撞

無綫花旦朱晨麗（朱朱）近日忙於為新劇《大醬園》開工，日前她為拍攝一場踩三輪車送貨的鏡頭，練習時不慎撞車，幸得緋聞男友何廣沛及時英雄救美避過受傷一劫，但都已經足夠令朱朱嚇餐死。

朱晨麗最近劇集一部接一部，早前因拍攝新劇《法證先鋒IV》動作戲扭傷手肘甩骹，再加上積勞成疾，導致頸椎嚴重移位，舊患未好，朱朱近日又為民初劇《大醬園》開工，劇中飾演醬園女工「夏小滿」的朱朱，日前騎上三輪車練習不久即撞車，嚇得她手足無措，朱朱猶有餘悸表示︰「我之前從未踩過三輪車，今次係第一次，就要踩斜路仲要大轉彎，正式埋位之前，導演陪我練習試戲，我一上車，何廣沛坐喺我後面，劇情需要佢拍一拍我背脊叫停車，我就即刻撞咗，好彩佢（何廣沛）反應好快即刻救我，嚇到大家都好驚。」

三輪車年紀老過自己

因為劇集背景是30年代，而角色需要經常踩三輪車送貨，為求逼真及配合劇情，她的三輪車十分殘舊，朱朱表示︰「呢部三輪車已經好大年紀，老過我，好多嘢都爛晒，好難控制。」雖然練習第一場戲已險生意外，但她非常感謝導演好有耐性地陪她練習，朱朱說︰「經過導演訓練，練咗好多次先順利拍攝，不過真係好驚。」

撰文︰倪小珊

編輯︰黃卉彤

美術︰梁政敏