何超蓮身為賭王千金，一舉一動都備受關注，特別係佢嘅感情生活。近日超蓮被拍到同內地30歲男星竇驍甜蜜約會，二人更喺電梯熱吻，令戀情曝光，事後超蓮亦超大方，於微博高調認愛，仲同竇驍公開打情罵俏，互叫大家「Baby」，真係好sweet呀！網民都紛紛送上祝福，而超蓮嘅好姊妹鄧紫棋（G.E.M.）即刻留言，叮囑竇驍要對超蓮好啲，竇驍即答應：「我會照顧好你老婆的」，搞到超蓮勁感動，即刻留言話自己眼濕濕。
（何超蓮微博圖片)
（何超蓮微博圖片)
(超蓮同竇驍於微博高調認愛)
至於超蓮嘅新男友竇驍係何方神聖呢？佢喺18歲時參加加拿大舉辦的《SunShine Nation》奪冠軍後開始加入娛樂圈，於2010年拍攝張藝謀嘅電影《山楂樹之戀》，繼而爆紅，其後陸續拍咗唔少電影如電影版《步步驚心》同《破風》。值得一提嘅係，竇驍曾經同超蓮弟弟嘅現任女友，模特兒奚夢瑤傳過緋聞，有傳聞指二人嘅關係非常親密，不過奚夢瑤尋日特地於社交網絡發文澄清：「我跟竇驍是徹頭徹尾的同事關係」希望大家唔好再誤會，仲讚超蓮同竇驍好甜蜜添呀！有網友就話奚夢瑤同竇驍以後就「一家親」，一個做豪門準新抱，一個做準女婿。
(竇驍同奚夢瑤)
(竇驍曾帶奚夢瑤回家見媽媽,竇驍微博圖片)
(何猷君為追求奚夢瑤曾上過內地真人秀節目，《愛的時差》截圖)
睇番超蓮嘅情史，都發現佢鍾愛娛樂圈中人，同唔少男明星交往很親密，又好鍾意追星，佢先後跟霍啟山、方力申、楊政龍等傳過緋聞，但都否認話唔係男友。唯一承認過嘅係台灣歌手吳克群，但戀情維持4年告終，遺憾於2015年底宣布分手，當時超蓮仲傷心到喺IG講分手嘅心情。
（奚夢瑤澄清跟竇驍只是同事,奚夢瑤微博圖片）