【聲明】港生活網站並無進行電話推廣活動

明愛社區廚房 溫馨故事結集出書延續愛

發佈時間: 2019/04/30

香港生活環境愈嚟愈狹窄,尤其係住喺劏房嘅基層家庭,想煮下兩餸一湯,都唔係咁容易。明愛莫張瑞勤社區中心舊年9月就係石塘咀開設咗中西區首間鄰里廚房「開檯食飯」,街坊除咗可舒舒服服煮飯,仲增加同鄰里交流嘅機會,社區亦重拾老香港「守望相助」嘅精神,好warm。

黛安知道,喺鄰里廚房發生嘅感人故事,今日會結集成書出版,書名跟番廚房招牌叫《開檯食譜》,除咗有10位基層街坊嘅生活點滴同背景回憶,仲會記錄佢哋啲家傳食譜,實行將好滋味同關係故鄉嘅記憶分享畀大家;石塘咀區內6間餐廳同商店嘅店主,仲會分享佢哋點透過捐食材同物資幫助廚房運作。明愛姊妹仲話,呢本書只係賣100蚊,扣除成本後,收益會全部撥番畀鄰里廚房營運之用,實行將愛延續下去。

撰文: 黛安 消息特靈八卦公關
欄名: 八卦名利場