《愛回家之開心速遞》今個星期衛冕收視冠軍，成績可謂一時無兩，絕對是神劇無誤。這兩集講到池子孝（阮政峰飾）和佐治（張明偉飾）的扮Gay謊言終於被揭破，熊心如（蘇韻姿飾）得悉被騙而非常生氣，因為佐治早前扮「好姊妹」，令心如放下戒心，在他面前換衫，又讓他睡在大腿上......謊言被踢爆之後，心如有感被「抽水」，在熊家一家人力撐之下，意圖告佐治非禮。其實最近劇組都明顯為心如的感情線鋪路，雖然子孝一直都未對心如死心，但始終心如是「戀愛絕緣體」，加上他跟佐治竟然夾計欺騙，相信兩人復合的機會好微，而心如正好又同朱凌凌的哥哥朱天梯（梁証嘉飾）互相改觀，莫非編劇想撮合兩人？
之前佐治為了不想被心如拒絕，夾硬跟池子孝扮Gay。（圖片：張明偉IG )
心如得悉被騙後，心如刀割。(圖片：《愛回家之開心速遞》電視截圖)
朱天梯跟心如在劇中的互動愈來愈多。(圖片：《愛回家之開心速遞》電視截圖)
不少觀眾都大讚兩人匹配。(圖片：《愛回家之開心速遞》電視截圖)
剛剛新婚的梁証嘉接受《晴報》訪問，他直言收到好多藝人朋友和粉絲的恭賀，太太是圈外人，兩人是中學同學，當日舉行婚禮，好友徐榮等都有到賀，不過証嘉太太就比較低調，但都樂意向我們分享他的結婚照。恭喜！恭喜！
梁証嘉日前跟圈外女友正式拉埋天窗。（受訪者提供）
徐榮都有去賀一對新人。(圖片：徐榮IG)
梁証嘉對於自己「朱天梯」的角色愈來愈多戲份，非常感恩，他說：「呢兩集交代到我同心如中間的矛盾同衝突，我真的要多謝導演，朱天梯好多女仔鍾意，係一個情場玩家，當初接到劇本時都自覺角色處理得不太肯定，後來多謝導演畀意見我，否則個角色變成乞人憎的感覺，現在大家都接受朱天梯，覺得他只是有缺點的人，否則我行出街可能會被罵。」被問到跟心如會否發展新的感情線？梁証嘉說：「我個角色應該不是乘虛而入嘅人，同心如係朋友關係，往後發展就未知道，如果觀眾喜歡的話，睇編劇點樣安排。」
証嘉2006年第20期無綫電視藝員訓練班畢業入行，至今已經13年，參與過不少劇集演出，《法證先鋒II》、《富貴門》、《巾幗梟雄》、《巾幗梟雄之義海豪情》等，不過《愛回家》入面的「朱天梯」絕對是代表作之一。他表示：「我之前同無綫改過合約，主要因為工作量不多，改合約係對我同公司都公平啲。後來入主題樂園打工，並不是唔好嘅事，因為由細到大都好鍾意去玩主題樂園，好鍾意入面的角色人物，我想入去工作算係圓夢，做咗幾個月，絕對係開心同難忘嘅回憶，認識好多不同的人同事，我唔介意分享，因為呢啲工作係令我閱歷多咗。」雖然暫時未有機會演主角，工作量又未算好多，但証嘉從來沒放棄過做演員，他說：「我冇諗過要放棄，我覺得只係時機唔啱，就算之前入到樂園，我都係做演員，我唔會放棄。不過演員係被動，要等一個好嘅機會同角色，依家會努力不斷令自己進步，多謝監製畀我演『朱天梯』呢個角色，希望可以好好發揮，又得到觀眾喜歡。」
梁証嘉表示會演好「朱天梯」和未來每一個角色，沒想過放棄演員的工作。（圖片：梁証嘉IG）