【聲明】港生活網站並無進行電話推廣活動

優惠日推多款「必搶精選」 一田eShop掃最抵商品

發佈時間: 2019/05/06

黛安知道每半年一度嘅一田購物優惠日,嚟緊今個月23至27號就係啦,全港11間一田勢必再現人山人海購物潮!

想快人一步搶到心頭好,又唔想同人逼,就記住喺今個月8至14號登入一田eShop,唔單止有超過500種貨品可以揀,eShop仲每日推出三大必搶主題商品,除咗美粧、家品,仲有家電,夾埋有超過50款搶手貨供應,最勁低至2折;而且送埋貨都係加35元起,啱晒工作繁忙嘅香港人。

咁多優惠產品,黛安就睇中咗喺呢個星期五(10日)推出嘅「必搶精選」DYSON CYCLONE V10 ABSOLUTE無綫吸塵機,有幾好用唔使多講,最重要係網上買有77折,計番都係4,980元,將家居打掃乾淨之餘,仲可確保荷包不被「清空」。而作為女士最愛嘅LE CREUSET圓形鑄鐵鍋都名列「必搶精選」,星期三(8日)準時登入eShop,有機會以1,998元買到24CM嘅白色鑄鐵鍋,較原價足足平咗一半,限量得8個咋。

除咗廚具用品,當然唔少得姊妹們最愛嘅護膚品,今次就有Jurlique活肌水精華套裝以特價540元發售,原價要1,060元,接近半價優惠呀!

另外,今次優惠日仲有小飛象旅行篋首度登場,唔單止得意仲好抵,29折後只係899元,去旅行都特別開心;同場獨家發售大量KAKAO Friends,仲有齊Hello Kitty、Kerokeroppi、SNOOPY、IQ博士等人氣角色,Monchhichi亦首次推出嬰兒床品套裝,總共有12件嘅嬰兒床品,原價要原價999元,特價只係需要499元,足足係半價呀,保證成家人都有sweet dream啦。

黛安都已經叫齊姊妹們準時登入eShop掃貨喇!

撰文: 黛安 消息特靈八卦公關
欄名: 八卦名利場