星期日就是母親節，翌日恰巧是佛誕補假，難得有個長周末，不如就帶媽媽入元朗玩一日，好好慰勞她吧！玩前先醫肚，無論母親大人喜歡品嘗高質西餐，抑或是鍾情日式料理，還是愛吃泰國美食，以下總有餐廳合她心意。飲飽食醉後，再帶媽媽遊覽兩站之隔的錦田壁畫村，享受樸實的親子時光。
1.$99.9 12安士美國特選肉眼扒【1523釗級廚房】
知慳識儉的媽媽出外用餐，最着重「大件夾抵食」。今次不妨帶她來這間由年輕夫婦陳太太及先生經營的溫馨小店，保證媽媽滿意。陳先生做西廚已有10多年，本來在現址的餐廳打工，後來索性頂手自已經營。陳太以前是診所姑娘，為支持愛人圓夢，把心一橫辭去工作，幫手樓面工作，與丈夫「男主內，女主外」。「佢趁後生想試下，佢想試，我就陪佢。」陳太太笑說。
「1523」是二人的生日日期，「釗」則是先生的名字。店內所有工作，由訂貨、煮食、收銀，到洗碗、抹地全由他們親自負責。儘管辛苦，他們仍對食物質素相當有堅持。餐廳醬汁選擇雖然不多，但全都是自家製；餐湯只得一款，每日由陳先生按當日新鮮材料決定；配菜的薯條也是買薯仔回來自己炸。這些工夫對只有兩個人的小店來說絕對不易，但陳太說︰「我哋嘅心思係放喺細節度，客人真係會食得出我哋嘅用心。」母親節一於帶媽媽來吃個暖心的晚餐。
1523釗級廚房
地址：元朗馬田路38號怡豐花園地下18號舖
電話：2443 4520
營業時間：星期一及三至五，11:30am-10:30pm（3:30pm-6pm落場）、星期六及日，11:30am-10:30pm、星期二休息
2.$98 芒果雙龍卷【赤葉日本料理】
女生都愛日本料理，就算是成為了媽媽也不例外。若你的母親也是「日食控」，可帶她到這間小店。6名年輕人為實現「壽司夢」合夥創業，當對餐廳經營方向感到迷惘時，慶幸遇上一名逾30年經驗的壽司師父。「有partner認識一位喺日本整壽司嘅香港人，我哋就請佢過嚟指導。我哋先明白質素嘅重要，由以前主攻賣平價壽司，變到依家專注做高品質嘅日式料理。」大廚兼店主之一葉先生說。
他感激師父教會自己對食物的堅持，「想做好一樣嘢，就要注重細節」。所以除了自製醬油外，店主堅持每一件壽司要求大細相同，甚至外形的弧度都盡量一樣，「有時員工勸我唔好咁執着，但呢個喺我對自己嘅要求。」店主特意採用日本秋田小町米製成壽司飯，再加入赤醋，鮮甜味十足，更具風味。「呢種米水份含量多，凍咗一樣咁好味，同魚生特別夾。」
赤葉日本料理
地址：元朗教育路88號寶城洋樓地下5號舖
電話：2811 2340
營業時間：星期一至日，11:30am-10pm
3.$58 牛肉船麵【阿叔泰麵】
不少港人喜歡快閃曼谷，今個母親節無法出行不要緊，不妨帶媽媽去元朗的「阿叔泰麵」，齊齊挑戰泰國特色船麵層層疊，一樣好玩。這店專做泰國新興的牛骨湯船麵，店方將普通版本的牛、雞、豬船麵變成曼谷船麵街熱門的「一口版本」，於下午茶及宵夜時段供應。價錢亦由50多元減至第一碗$15，第三碗一律$10。湯底與配方跟普通版無異，只是分量減至1/4碗。
小店更設「大食龍虎榜」，每月疊得最多的5位挑戰者，能獲得$100至$500現金券，大食之人可以挑戰一下。「疊疊碗」時段更可以優惠價$8及$15享用泰式飲品及小食，不參與挑戰的孝子孝女們，也可以和媽媽一起歎個下午茶。
阿叔泰麵
地址：元朗西菁街20號益輝大廈地下3號舖
電話：2887 3269
營業時間：星期一至日，11:30am-10pm
備註︰「船麵層層疊」供應時間為星期一至日，3pm-6pm，星期五及六，9pm-11pm
撰文︰王寶欣、陳麗娜
攝影（部分）︰Benny
插畫︰何樂
編輯︰余運慶
美術︰招潤洪