《東張西望》狂寸大陸中佬犯法 阮嘉敏爆紅正義背後大起底

近年愈來愈多大媽霸佔屋邨跳廣場舞，包括土瓜灣海心公園、音樂重鎮屯門公園、土瓜灣體育館對出空地，不但製造魔音吵耳又擾民，原來她們還會借教舞為名違法收錢，將公眾地方私自變商業用途。上星期《東張西望》派出主持阮嘉敏親自到現場同操大陸口音的中佬、大媽正面對決。雖然對方來勢洶洶，不過她毫不懼怕，反而有勇氣、有條理地連續7次瘋狂追問收錢的中佬：「你哋除咗表演仲有收錢係咪吖？」、「咁你有冇收錢？」、「從來冇收過錢？」、「但人哋畀錢你，你就收咗？」、「咁你有冇收到吖？」、「啫係你收咗錢啦？」、「咁你算唔算係濫用公眾地方嚟賺錢？」。本來中佬堅持自己沒有收錢，但前言不對後語，話其他人送錢。阮嘉敏於是繼續問：「收錢就唔算係玩喇喎，咁點解你唔收嘅？」，最後問到他口啞啞，惟有承認罪行，非常精采。然後有名大媽解釋霸佔地方的原因：「我哋等咗5個月都未有牌」，不過隨即被阮嘉敏秒殺：「咁咪即係無牌囉？」

很多觀眾激讚阮嘉敏無懼惡勢力，紛紛封她為民主女神：「好欣賞你嘅訪問，問得超中，窒到條友冇聲出， 兜都兜唔到，勁！」、「欣賞你反應超快，仲好順暢，好似律師盤問証證人咁！進攻得分，連珠炮式入佢中路，勁！最好笑個鏡頭影佢嗰呆樣（嗰個男人），鏡頭應該再close up 佢嗰樣！」等等。究竟阮嘉敏口才為甚麼這樣好，她究竟是甚麼人呢？

{{hket:inline-image name="1115.jpg"}}{{/hket:inline-image}}

(TVB電視截圖)

校花不理家人反對 堅決做模特兒選港姐入行

阮嘉敏在青衣長大，有一名哥哥。長大後她分別在2003年和2008年畢業於仁濟醫院趙曾學韞小學及佛教葉紀南紀念中學。喜歡去旅行兼立志做名嘴的她曾遠赴昆士蘭科技大學修讀媒體與傳播研究系，後修畢香港中文大學傳理系，努力以黃翠如、小S為目標，希望做旅遊節目主持周圍去 ，寓工作於娛樂。期間阮嘉敏憑著甜美外表，姣好身材做兼職模特兒，最多接婚紗job，又擔任網絡視頻主持，儲好經驗。阮嘉敏坦言做模特兒的路並非一帆風順，曾受到家人屢次反對，特別哥哥怕她遇人不淑、收入不穩定，惟她認為模特兒界可以識到更多人，又可學習如何面對鏡頭，訓練膽量，對做主持一定有幫助，所以堅持做外拍。為了做好份工，把握機會，阮嘉敏做了不同準備應對，如買時裝雜誌學習如何擺poses、眼神、笑容，惡補普通話，又養成日日看報紙、睇台灣專訪節目的習慣，以涉獵更多範疇的知識。

直至2013年，阮嘉敏參加由《FACE》主辦的UStar大專校花校草選舉，進入10強，當時她聲稱自己不會做港姐：「其實選港姐係一個好好嘅途徑入行，好多屆港姐都做咗出色嘅主持，不過諗起港姐嘅泳裝環節，我就過唔到自己嗰關，太性感喇！」可是2016年阮嘉敏以25歲之齡決心參選《2016年度香港小姐競選》，當年與馮盈盈齊齊被視為大熱，可惜她10強止步，對方就一舉奪冠。

{{hket:inline-image name="14.jpg"}}{{/hket:inline-image}}

{{hket:inline-image name="15.jpg"}}{{/hket:inline-image}}

▼勁敵馮盈盈

{{hket:inline-image name="16.jpg"}}{{/hket:inline-image}}

身材外貌才華兼備 紅爆中港台

雖然最後落敗，不過阮嘉敏在落選之後加入藝員訓練班加入TVB，並於同年底入讀為期3個月的演藝進修班。2017年，阮嘉敏開始擔任《東張西望》的外景主持，曾客串出演過《踩過界》、《燦爛的外母》等7套劇集，上年於《美女廚房》任美女學徒時已在網上引起話題，今次1月改簽經理人合約，開始增加主持機會，得到不少男觀眾的歡心。早前阮嘉敏到大埔梧桐寨瀑布採訪行山專家時，因露腰背心及貼身長褲被觀眾狂鬧衣著太暴露，令《東張西望》變色情節目。這個風波還吹到大陸、台灣，當地網民比較開放，力撐阮嘉敏是行健康性感路線，還藉此紅爆中港台，因禍得福。可是為了不要得失香港觀眾，阮嘉敏近幾集還是換上短袖上衣，又靠今次連珠炮發一事重新贏得眾人讚賞！對於這一切，阮嘉敏好謙虛：「只想跟大家說聲謝謝，努力是無止境，會用有限時間去追無限進步」，前途無可限量！

{{hket:inline-image name="11.jpg"}}{{/hket:inline-image}}

{{hket:inline-image name="12.jpg"}}{{/hket:inline-image}}

(TVB電視截圖)