【融入家中】減肥影婚照結束愛情長跑？女友一個特質阮兆祥冧足18年

今個星期日就係母親節喇！阮兆祥、梅小惠、江欣燕及陳彥行等人「成立」咗「媽媽薈」，畀一眾媽媽聯誼，日前佢哋就約咗出嚟Gathering，齊齊慶祝母親節！阮兆祥仲帶埋女友Crystal出席，入晒屋好似半邊女咁呀。相中見到Crystal明顯清減唔少，靚咗好多！女仔減肥好多時係為咗一個原因，莫非阮兆祥同女友好事近？

{{hket:inline-image name="1557205630_3216.jpg"}}{{/hket:inline-image}}

{{hket:inline-image name="1557205627_af8c.jpg"}}{{/hket:inline-image}}

{{hket:inline-image name="bkn-20190507140621969-0507_00862_001_10b.jpg"}}{{/hket:inline-image}}

{{hket:inline-image name="1557206130_6b50.jpg"}}{{/hket:inline-image}}

原來阮兆祥已經同Crystal拍咗拖18年，女友跟咗佢咁多年，一直都好低調，默默做佢背後嘅女人。講起同女朋友嘅關係，祥仔話已經相處到好似家人一樣，兩家人常常來往，互相關心。

{{hket:inline-image name="1557205630_514f.jpg"}}{{/hket:inline-image}}

互訴心聲 唔使估估吓

娛樂圈多姿多采咁多誘惑，阮兆祥18年嚟都始終如一，祥仔覺得佢哋關係長久最關鍵係女友爽直嘅性格：「大概係我哋咩都會講出口，唔使估估吓！例如買禮物，佢會開到口話想要啲咩，咁我又送到佢鐘意嘅禮物，又唔使估佢鐘意啲咩，初時一齊試過買咗啲禮物畀佢，擺喺度無用到，其實男人邊知女人鐘意啲咩、諗緊啲咩，不如直接啲要求仲好。

{{hket:inline-image name="TUNGSTAR3465822.jpg"}}{{/hket:inline-image}}

善解人意

祥仔話同Crystal一齊嘅時候好舒服，因為佢唔會無理取鬧，好多時仲冇開口Crystal已經知道祥仔諗緊咩、需要啲咩：「好似我返到屋企，坐低唔出聲，佢就會斟杯水畀我，問我：『係咪攰呀？』呢啲位雖然好普通，但令我覺得好窩心。」

嗌交都有Formula

兩個人相處總有爭執，不過佢哋嘅處理方式都好成熟：「依家當有意見不合，一感覺到大家啲火嚟緊，講嘢開始有啲骨，就會行開吓，等大家冷靜返落嚟，啖氣落咗就無事。」

旅行約法三章

祥仔說以上方法不是所有場合都適用，例如去旅行途中，就不能在異國街上丟低另一半：「上機之前同自己講，去旅行要開心、盡興同輕鬆，有咩事都唔好嗌交，我女朋友亦係一個知情識趣的人，不會亂發脾氣，就算在旅途中有執爭，都會講笑帶過。」

娶妻求淑女，Crystal完全係一個夢幻人妻，不過佢同祥仔仍然維持情侶關係，祥仔話：「好多結咗婚又離婚嘅人，關係都冇我哋這麼長久。」