唐文龍近日獲邀亮相ViuTV節目《友枱VIP》，原來主持人劉永健是他的好朋友，今次絕對要撐老友，所以一齊烹調美食，一邊傾一邊食餐飽。在節目中，他們表示原來結緣在經典劇集《十月初五的月光》，當時唐文龍飾演的金勝，和劉永健飾演的萬沛祺，是同父異母的兩兄弟，劇中當然狗咬狗骨，不過原來拍劇之外，他們變成了好朋友，劉永健直言非常多謝唐文龍，他當年由於工作不太順利，經濟拮据，唐文龍知道之後又不想傷他的男人自尊心，於是用健身做借口，叫劉永健上他家拿健身奶粉，沒想到劉永健回家一打開，發現入面有成2萬人民幣現金，他心裡實在非常感激這位好兄弟，在患難時幫助他渡過難關。
《十月初五的月光》入面，唐文龍演的金勝深入民心。（圖片：電視《十月初五的月光》截圖）
唐文龍接受老友劉永健和周家蔚的訪問。(大會提供)
唐文龍笑稱當年被質疑性取向，立即被美國父母來電問話。(大會提供)
唐文龍偷偷塞2萬蚊人民幣畀劉永健，助他解燃眉之急。（大會提供）
其實當年兩人老友鬼鬼，由於多次被拍到掃背而傳出「斷背」緋聞，現時再講起，都笑過不停。劉永健解釋只是想教唐文龍如何對待女仔，學識要溫柔浪漫，沒想到被拍出來亂傳，唐文龍說：「我即刻收到美國爸爸媽媽打長途電話嚟問，仲解釋咗好耐，佢哋先至放心。」唐文龍又有型又大隻，之前同空姐女朋友分手之後，好幾年冇拍拖，難怪大家都替他感到心急。
唐文龍一向生活低調，因外型健碩而成為好多人心目中的男神。（圖片：唐文龍IG)
唐文龍的生活非常簡單，除了拍戲之外，平日最鍾意參與環保活動，就算放假都約埋「一哥」布偉傑行山、落海灘，做運動之餘仲拎埋一袋二袋垃圾，原來佢哋主動去清潔環境，清理山上和海灘的垃圾，非常有心，型男仲要係環保先鋒，點會冇女朋友呀？
就算山坡多陡峭，都阻不了兩人的決心。（圖片：唐文龍IG )
唐文龍和布偉傑身體力行去海灘執垃圾。（圖片：唐文龍IG )
身為環保先鋒的他更特別將執回來的垃圾分類處理，非常有心。（圖片：唐文龍IG )