近日晚晚八點播《愛回家之開心速遞》之前，都加插一個為時兩分鐘的短劇，叫做《呢個阿媽唔簡單》，由盧宛茵（Madam Lo）、丁子朗、區瑋軒和譚永浩主演。其實TVB原意是為母親節拍攝特輯，賣廣告為主，不過網友覺得劇情都幾得意，由星期一開始已經播出三集，一開初以為只是普通家庭生活，沒想到大玩懸疑氣氛，Madam Lo神出鬼沒。囝囝丁子朗被媽媽迫他戒零食、少打機，但轉個頭，見到阿媽偷偷將零食收入廚櫃狂食，又躲在房間打機，於是在爸爸面前踢爆她的惡行，但總是提不出證據，令丁子朗非常氣頂，更一度質疑是否自己精神不夠加上成日打機，導致出現幻覺。
盧宛茵被兒子踢爆不為人知的一面。(圖片：《呢個阿媽唔簡單》電視截圖)
盧宛茵同丁子朗飾演一對母子。(圖片：《呢個阿媽唔簡單》電視截圖)
丁子朗想向爸爸告狀指阿媽偷偷打機，但爸爸話媽媽連電話都唔識用，點會打機。(圖片：《呢個阿媽唔簡單》電視截圖)
後來，丁子朗同朋友譚永浩一齊去睇搖滾音樂騷，他說：「我覺得我阿媽近排有少少唔妥！」沒想到轉個頭，Ｍadam Lo竟然Rock爆以皮褸加超長金色攣髮登場，在台上Rap盡阿媽嘮叨說話，嚇到丁子朗目定口呆，最可怕的是他在譚永浩的手機入面見到媽媽竟然玩cosplay，戴上紫色假髮穿上水手服，竟然扮美少女，丁子朗實在好難唔崩潰......雖然節目是廣告，但硬銷的鏡頭不算多，反而令人好想追看落去，非常成功。而一向演開野蠻奶奶和肥師奶的Madam Lo今次百變的造型可謂過足戲癮。
Madam Lo搖身一變成為搖滾女王，嚇怕台下的囝囝。(圖片：《呢個阿媽唔簡單》電視截圖)
丁子朗多次出現o嘴的情況，更一度質疑自己是否幻覺。(圖片：《呢個阿媽唔簡單》電視截圖)
丁子朗發現媽媽玩cosplay，大為震驚。(圖片：《呢個阿媽唔簡單》電視截圖)
其實私底下的Madam Lo都是一名非一般媽媽，1988年她與新聞主播何鉅華因性格不合而離婚，之後她繼續演藝工作，努力賺錢養大兩仔一女，雖然辛苦，但Ｍadam Lo以正面和堅強態度去面對離婚，她說：「我個性格係咁，亦都有教我嘅小朋友唔可以軟弱，希望佢哋可以多磨練痛苦，多啲經歷。」同子女之間像朋友關係一樣，有時候手機短訊交代一下近況，久不久飲茶食飯，她說：「其實我唔鍾意被人管住，我都唔會迫仔女唔准做啲咩，我好少過問佢哋生活，戲入面我就野蠻奶奶，不過我唔係古老思想，同新抱不知幾好關係，大家好似朋友咁。」Madam Lo享受演戲生活，放假有空跟朋友去唱歌，最重要是嘆美食，事關Madam Lo是非常為食的人，十足小朋友一樣，相信她能夠駕馭好多不同角色，全因她一顆年輕的心。
Madam雖然經常扮演師奶，但私下非常玩得，她為演唱會挑戰不同的造型。（圖片：大會提供）
連衛蘭都扮埋，絕對係潮媽。(圖片：大會提供)