現年54歲「搞笑鬼才」張達明自從2011年患癌之後就好少現身，當時他不幸確診患上鼻咽癌，治療過程更為他帶來無盡痛苦，數不清的副作用隨之而來。耳鳴、鼻塞、狂流鼻血、體重暴跌、已經很輕微，他還曾經因為四肢無力行不到路，連筷子都難以拿起，人生跌落低谷。面對這一切，再積極的張達明情緒也崩潰了，他知道癌症每年奪去不少人生命，故毅然選擇與老婆結束15年的婚姻，決定獨自迎接死亡，曾一度準備身後事。幸而經過長達7年抗癌期，現在病情慢慢穩定下來，終於復出，前晚精神奕奕出席區瑞強演唱會。癌魔堪稱香港人疾病頭號殺手，能夠痊癒，除了化療與標靶藥，張達明話最要感激是鮑姐鮑起靜、發哥周潤發教他一個方法，好兄弟吳鎮宇也幫了不少忙。
全靠鮑姐發哥治好身體 唔收錢望有戲拍
昨日張達明、陳蕊蕊與唐貝詩於將軍澳出席演藝學校開幕禮，專程支持好友與本土藝術發展。他指如今不少人學習戲劇，中學亦也有開戲劇班。他認為戲劇不只是專業的職業工作，不少大型公司亦有開班教授做戲及說話技巧，他更言曾經教大公司的CEO，又曾經到廉政公署做分享。講到好朋友黃秋生憑電影《淪落人》奪得金像座影帝，現在又再下一城在意大利烏甸尼遠東電影節奪獎，為港爭光。張達明就話早就恭賀對方獲獎無數，不斷擁抱他同埋發訊息給他，所以大家已經瘋狂慶祝了很多次；而且他又借機公開如今身體好番，希望有戲拍的心聲：「佢好勁呀！好好彩，唔收錢拍嘅一套電影都攞到咁多個獎，攞到手軟。我都可以唔收錢拍戲㗎，大家快啲嚟搵我啦！做速龍真係冇人可以超越我，哈哈！」
見到張達明精神、身體狀態好了好多，行路都好順利，他笑言現在健康不俗，特別感激跑友鮑姐與教練發哥每星期3次在清晨6點半相約他去跑步、做健身操，他才養成5點半起床的好習慣。他形容發哥是神級跑手，教他保持一定的節奏由跑平路到跑山，令他身體愈來愈好，心境開朗自然康復：「要多謝鮑起靜，我哋有個群組，佢成日叫大家去跑步。我有時跑15分鐘都唔得，但好奇怪，你覺得做唔到嘅嘢又會畀你做到。有一次我諗住唔跑去行吓，但係點知一跑就跑足全程25分鐘，都係睇天氣同埋狀況，自己盡量去試。依家會規定自己行落山35分鐘，然後向上跑28分鐘，每日如是，試過持續行山3個鐘都得。發哥係我嘅偶像，所以佢叫我做咩我就照做，係發哥帶我哋跑嘅，佢亦都教我健身、做運動，叫我坐低單腳舉起，慢慢練。」 ，二人的不離不棄等同救他一命。
其實除了鮑姐、發哥，張達明好兄弟吳鎮宇都好好，當初一聽到他患癌消息不但探望他，不讓他孤獨一人面對：「我嗰陣冇講畀任何人聽，唔想老友個心好難過。但當雜誌出街，佢見到即刻慰問。後來手腳麻痺辛苦啲嗰陣，吳鎮宇非常上心，佢之前教咗我先，點樣站樁運力落隻腳度，仲試過密宗嘅斷食治療方法。佢仲帶我睇唔同醫生，氣功治療都有，如果自己一個人好容易就捱唔住！」
演出狂放血兼癱瘓無力 7年間暴瘦曾想放棄生存
回想那7年的確是很難捱的日子，當時張達明發現自己經常流鼻血，他坦言初初以為只是乾燥，去到之後情況沒有好轉，所以先睇醫生：「喺喉嚨流落去，啲血經痰吐返出嚟...」去到最後一日在劇院綵排，張達明收到醫生報告證實患上第3期鼻咽癌。這個消息對他來說很震撼，但為免影響其他演員，他堅持保持笑容繼續做戲，惟有在換戲服時放鼻血。雖然很辛苦，但張達明好有專業精神：「我哋表演者係為觀眾生存，一定要拋開自己感傷。」結束5場演出之後，張達明在抗癌之前，竟然已經想放棄生命：「我查咗喺邊度可以有骨灰龕，我驚我唔夠錢（醫病）」不過最後張達明發現骨灰龕大部分都是不合法，才決心正式面對癌症。
7年時間要不斷做化療、電療，張達明身體日漸變差，體重暴跌30磅，瘦到不似人形，仲嚴重脫髮，對此他表示：「咁對一個表演者嚟講係一個打擊，光晒頭、好瘦、好醜樣。」在病情最嚴重之時，張達明四肢無力癱在病床：「1、2年後我都仲有事，行路都行唔郁。」但就算病情十分嚴重，張達明依然不想口停手停，居然死頂參演電影《家和萬事驚》。雖然張達明一頭白髮，滿面皺紋，還要坐輪椅，只是戲中老人家角色的造型，可是拍攝中真的出事，連揸筷子都做不到：「拍開飯揸筷子嘅戲，我係夾唔到嘢，只可以用叉食。因為手腳麻痺，行動有所影響，醫生話我中咗鉑金毒，比平時多63倍，全身神經線郁唔到。試過20幾種治療，都搵唔到一個絕對解決方法。」
(電影《家和萬事驚》相)
面對重金屬中毒導致全身神經線動不到、四肢麻痺等問題，加上受到抗癌藥物影響，張達明脾氣開始變差，易暴燥：「會突然似爆炸咁爆出嚟，依家少食咗嗰種藥，不過嗰種影響可能仍然存在住。最近樓下半夜有人食雪茄，煙味衝上我屋企，仔女房都有，好難聞，影響到佢哋瞓唔着；半夜一點幾，我忍唔住就攞住張櫈唔停打落地下，好似黐咗線，好忟憎！」所以本來老婆何念慈不離不棄一直陪伴張達明接受化療，然而他不想拖累對方在2016年他決定與結婚15年的老婆離婚：「我哋相識27年，我希望大家會過得好啲，畀對方更多空間去追求人生所想。」