由林峯、蔡卓妍（阿Sa）及方中信等主演的網劇《PTU機動部隊》昨晚於「黃Viu煲劇平台」首播頭三集，全劇圍繞主角所屬嘅PTU部隊在日常巡邏所遇上的種種事端，從而揭發黑幫仇殺、販毒等內情。
苑瓊丹冷不防搶晒戲
不過尋日最搶Fo嘅都係飾演林峯「爛賭」媽媽嘅苑瓊丹。苑瓊丹完全掌握喜劇節奏，明顯一出場就令到成場戲生色不少，為劇迷紓緩一下緊張氣氛。劇情講述飾演林峯媽媽嘅苑瓊丹喺麻將館畀人夾埋出千千佢，之後就叫嚟由林峯飾演、擔任警員嘅囝囝嚟「幫拖」，最後成功拎番啲錢，母子之間對話自然流露喜感。
之後一場戲林峯與黑社會打鬥搞到入院，苑瓊丹去探病時見到一個護士想親近阿仔，即刻話自己係佢女朋友，苑仔明顯輕鬆把持全場節奏，非常爆笑。
55歲苑瓊丹（苑仔）憑與周星馳合作《審死官》、《武狀元蘇乞兒》、《唐伯虎點秋香》、《九品芝麻官》、《大內密探零零發》和《食神》等電影而在大陸演藝圈站穩陣腳，成為黃金綠葉。19歲出道，拍過逾百部電影、電視作品，早前重返無綫拍攝《火線下的江湖大佬》，苑仔更繼續成為收視保證！
《九品芝麻官》劇照
周星馳都讚
當新人時受盡白眼和排擠的她，為了爭取演出機會可以不收酬勞，一個飯盒已經好滿足，這般拼勁終獲陳嘉上導演賞識，邀她拍《逃學威龍》，自此苑仔就成為周星馳喜劇作品中經典女醜角，周星馳在《唐伯虎點秋香》中更讚她：「你要不要那麼搶戲呀！」
《唐伯虎點秋香》劇照
苑仔喺拍攝《封神榜》嘅時候，姐姐打電話畀佢，話媽媽已經開始行動不便，但媽媽知道佢演女主角，就叫佢唔好返去，好好拍戲。直到2010年返去探望母親，離開時母親想送機，但佢拒絕咗，冇諗到嗰次已經係最後一面，苑仔再提起舊事都不禁淚灑！
當時小編睇呢套劇都覺得好心悒。
「削骨還父，削肉還母。」
老公將佢「捧在手心」
經歷著名影星男友林正英患肝癌離世後，苑仔以為獨身終老，但命運令佢喺2001年遇上現任老公、身家逾億的玻璃大王黃乃揚。苑仔透露二人係「相睇」認識的，2004年佢瞞住家人同對方去美國公幹就「順便」結婚。
至於夫妻相處之道，苑仔自認任性、脾氣火爆，曾經提離婚，更用鬧鐘弄傷老公：「他跟我吵架，我拿一個鬧鐘，砸他頭上去，真的一個（眼）圈黑了，然後我跟他說我要跟你離婚。」打傷老公嘅佢更迫老公簽分居協議書：「我拍桌子，我說你不簽的話，我現在就揍你在這裏。」老公就乖乖喺佢眼前簽了名，但第二日就獨自上律師樓，想取消分居決定，苑仔笑言：「他有病呀！喜歡被虐待。」講嘅時侯個樣其實好冧。