陳凱琳爆湊仔傻事展慈母一面 終復出上電視被網民讚勁聰明

星期日12號是母親節，大家同媽媽慶祝了沒？要講到娛樂圈最受矚目媽媽，不得不提陳凱琳。今年2月陳凱琳為鄭嘉穎誕下囝囝Rafael鄭承悅，囝囝如今已經3個月大，陳凱琳亦逐漸復工，雖然減少拍劇多出席商場活動，例如早前就與霍啟剛、林盛斌和梁嘉琪等去金鐘海濱長廊出席TVB「Think Big共童跳」活動，擔任活動大使兼嘉賓主持，與一眾小朋友耍樂，不過近日她終於在電視節目現身，因為玩遊戲太聰明，成為網絡熱話，被網民激讚好聰明，果然是智慧與美貌並重的港姐！

{{hket:inline-image name="22.jpg"}}{{/hket:inline-image}}

終於復出上電視節目 網民激讚勁聰明

事緣《娛樂大家》第7集裡面有2個玩遊戲環節，「Cheat Chat」與「Liza Magic」，前者每個人頭上會有一個牌，當事人不能讀或做出牌上寫的字或動作；而後者就玩食腦黑魔法，從出題者的表現猜出遊戲規矩、模式。於「Cheat Chat」時，無論其他人如何用談話引誘陳凱琳講出牌上的字，她都沒有受騙，有時答非所問，好小心。之後其餘的藝人都開始出錯，包括譚凱琪、謝東閔、何雁詩、戴祖儀、吳若希等已經錯了至少1次，陳凱琳仍然力保不失，去到遊戲玩到16分24秒才因為讚老公鄭嘉穎有型而中伏。之後陳凱琳為了報仇，向不能形容外表的何雁詩問了一句：「你覺得男仔睇女仔外形，頭髮長短，眼睛大細呢啲緊唔緊要？」，何雁詩就話男生好像比較喜歡長頭髮，不能講長頭髮的黃庭鋒又重覆同一句表示認同，結果一箭雙雕。

去到「Liza Magic」，無論第1 round「估吓阿姐怕咩」還是第2 round「估吓邊度有寶石」，陳凱琳都是最快估到玩法的人。她透過細心觀察身邊人的反應，聆聽他們的說話摸索到，所以馬上雙手握緊，又即刻講「嗯......」才講寶石位置，摩擦力好高。一班觀眾睇到都好驚歎，大讚陳凱琳貴為港姐冠軍果然好叻女：「見到陳凱琳已經知道答案，佢真係好聰明」、「Grace is so smart，美貌與智慧並重」

{{hket:inline-image name="12.jpg"}}{{/hket:inline-image}}

(TVB電視截圖)

{{hket:inline-image name="11.jpg"}}{{/hket:inline-image}}

(TVB電視截圖)

{{hket:inline-image name="14.jpg"}}{{/hket:inline-image}}

(TVB電視截圖)

冧豬自爆湊仔傻事 展露慈母一面

雖然陳凱琳密密上鏡搵真銀買尿片，身形明顯收身不少，都幾辛苦，不過愛子心切的她每次都被拍到匆匆離場，往停車場方向走，想必是心急返歸湊仔餵人奶給囝囝食。現時她已經開始適應做媽媽，老公鄭嘉穎亦有幫手湊囝囝。現階段每晚起床餵2次奶，雖然睡前會揼奶，鄭嘉穎亦會幫手餵，但她還是不放心，會自動自覺醒來親自餵奶，搞到「冇覺好瞓」，故最想囝囝戒掉半夜喝奶的習慣：「依家已經有經驗，知道佢點樣喊係代表想換尿片，或者肚餓。現時最想幫囝囝戒夜奶，朋友教我同佢講：『夜晚唔好飲奶奶呀！』如果佢真係識聽就好喇。當然返到屋企都有試，佢就眼仔睩睩咁望實我，梗係唔知我講乜，好彩嘉穎都有幫手，加上佢夜瞓，每晚都幫手餵埋凌晨三點幾嗰轉。」

可是初為人母的她母愛爆棚，邊講邊甜笑，直言未算辛苦，又自爆近日發生了湊仔傻事，是個烏龍媽咪：「諗住落街買嘢食，點知喺褲袋發現咗條紗巾，我終於覺得自己真係做咗人媽媽。嘉穎都試過餵完個仔食奶，膊頭塊紗巾唔記得拎走，仲周圍行。」，聽到都覺得陳凱琳是個好媽媽。

{{hket:inline-image name="33.jpg"}}{{/hket:inline-image}}

{{hket:inline-image name="44.jpg"}}{{/hket:inline-image}}