《愛回家》單集收視30.7點 龔燁熊若水話慶功前要先擺和頭酒

《愛回家之開心速遞》星期日母親節公布好消息，有三集的收視超越30點，分別是552集的30.4點、551集的30.6點和557集的30.7點，其中557集正是龔燁（張景淳飾）和熊若水（呂慧儀飾）的愛情起暗湧，殺出土豪富豪曹總（劉一飛飾）力追，睇到觀眾相當之肉緊。(相關新聞：http://bit.ly/2YlCeRA)，而景淳和呂慧儀（長腳蟹)都經常開直播同大家傾劇情之餘，又會呼籲大家多睇幾次重播，推高收視，果然見效，他們的努力可算功不可沒。

{{hket:inline-image name="TUNGSTAR6177995.jpg"}}{{/hket:inline-image}}

呂慧儀和張景淳演「龔燁」這一對大受歡迎，連帶劇集有好好收視成績。（東星圖片）

長腳蟹和張景淳接受《晴報》訪問，問到如何慶功時，張景淳說：「搞慶功之前，我首先要擺和頭酒賠罪，因為上次有一集錫完長腳蟹之後，我得罪咗蟹子（呂慧儀囝囝Anton），佢之前見我都幾鍾意我呢個哥哥，之後就唔知。」長腳蟹表示原本不打算刻意讓囝囝睇，她說：「我唔想呀，佢自己識開嚟睇，估唔到佢突然長大咁快，成長咁多。(水洗唔清？)冇呀，咪慢慢解釋畀佢知，只係工作，幸好佢都明白事理，叫景淳擺和頭酒、送玩具氹返佢啦！」

{{hket:inline-image name="56587694_559231961254317_1858800706235076318_n.jpg"}}{{/hket:inline-image}}

呂慧儀和張景淳非常合拍，希望收視愈來愈好。(圖片：呂慧儀IG )

{{hket:inline-image name="CRAB.jpg"}}{{/hket:inline-image}}

「龔水」一吻成為熱話，沒想到因此得罪蟹子Anton。（圖片：《愛回家之開心速遞》電視截圖）

{{hket:inline-image name="58652743_414098682504503_8024977723644296423_n.jpg"}}{{/hket:inline-image}}

蟹子錫晒媽咪，難怪會呷醋。(圖片：呂慧儀IG )

景淳笑稱在劇中自己輩份低，未試過「萬歲」請大家食飯，反而「散水餅」就試過，他說：「之前真的離開過，所以有請大家食散水餅，希望做完今次宣傳，下次收視愈來愈好，我會好努力去籌備呢一餐。」提到「龔水」是備受觀眾認同的一對，長腳蟹說：「多謝觀眾，鍾意睇之餘，仲睇得好投入，我哋會再努力啲，多謝編劇塑造呢兩個角色出嚟，大家都好鍾意。」而景淳說大家見「龔水」有危機就特別肉緊，他劇透說：「557集係講曹總想搶人，其實只係第一波，之後會一浪接一浪，希望往後都繼續有高收視。」

近日《愛回家》演員齊齊Rap住賣廣告，預告5月18日有《週末速遞》，加上送水輝許家傑在Instagram問大家「如果《愛回家之開心速遞》連星期六都有得睇，你話好唔好？」搞到好多觀眾都問到底係咪每星期多播一集。《晴報》問過相關人士，原來《週末速遞》是類似廣告雜誌，不過由一眾演員擔綱演出短劇，《愛回家》的粉絲相信都不會錯過吧？

{{hket:inline-image name="pic2.jpg"}}{{/hket:inline-image}}

一眾演員為《週末速遞》拍廣告。(電視截圖)

{{hket:inline-image name="pic3.jpg"}}{{/hket:inline-image}}

吳偉豪、周嘉洛和焦浩軒一身Hip Hop 打扮。(電視截圖)