逾200款優惠 1.1萬件筍貨 兩大購物節買盡心頭好

每年5月都係瘋狂購物月，除咗即日起至5月31日喺MOKO舉行嘅「MOKO旺角購物祭」外，沙田新城市廣場亦會喺下個星期四（23日）至27日舉行「JUST BUY WEEK感謝祭」，當中有貨品低至1蚊或者1折呀！咁多筍貨，黛安真係要儲定彈藥去血拼先得！

「MOKO旺角購物祭」有近90個唔同類型嘅商戶推出超過200款優惠，除咗好多衫褲鞋襪同化粧品勁減，手機、手提電腦同埋按摩產品都以筍價發售。黛安就睇中咗OTO Prestige完美至尊按摩椅，由原價$53,500減到$36,480，仲有服飾品牌6IXTY 8IGHT嘅黑色背心裙同淺綠色一字肩上衣等，唔使$30就有交易！另外，多個運動品牌都會低至25折，好似New Balance休閒鞋由原價$1,600減至$399！

另外，沙田新城市廣場亦會喺下星期四舉行「JUST BUY WEEK感謝祭」，今次會聯同全場超過60間商戶推出優惠，超過1.1萬件筍貨涵蓋美粧護膚、親子童裝同埋時尚鞋履服飾3大範疇，好似FILA KIDS精選童裝仲以低至16折發售！SHOE BOX亦會以$1心動價推出潮B沙灘必備嘅巴西OTO真皮涼鞋；L'Oreal Paris嘅面膜晚霜同保濕套裝都會以驚喜價$100發售。

黛安覺得感謝祭最吸引嘅要數「$499 JUST BUY激優福盒」，福盒有6款唔同主題組合，包括「潮人Gadget」，內含APPLE Watch Series 4 GPS同埋APPLE AirPods 2，原價總值$4,798，每款福盒得5個名額，想入手記得鎖定開幕日霸定頭位搶心頭好喇！