劉浩龍曬肌滿足粉絲

劉浩龍（師兄）日前在廣州中山紀念堂舉行演唱會，獲媽媽及妹妹北上撑場。全場三千座位爆滿，師兄大唱首本名曲外，又除衫跳舞騷肌，廣州觀眾反應熱烈，齊齊開手機燈大合唱。

過去「賣唱唔賣舞」的師兄，坦言最緊張跳舞環節，幸好他記得上次香港個唱的舞步，又保持一身肌肉，所以見台下反應好，決定半裸曬身材：「上年開始健身後，身形一直keep到，所以今次唔使好辛苦減肥，只係呢個月戒口，只食雞胸、蛋白，等肌肉綫條好啲，但估唔到廣州觀眾鍾意聽我唱歌多過曬肌，早知唔使練得咁辛苦！」