【聲明】港生活網站並無進行電話推廣活動

McCafé廿周年送20萬杯 歎全新芝士奶蓋特飲

發佈時間: 2019/05/16

返工疲倦嘅時候歎杯精緻特飲,最啱為打工仔叉電。為咗慶祝二十周年,McCafé今年搞搞新意思,即日起推出勁受女仔歡迎嘅芝士奶蓋飲品,全面為港人享受升級。公關姊妹話,今次推出6款芝士奶蓋飲品都勁有特色,用上嚟自歐洲同新西蘭嘅芝士做「主角」,除咗配搭咖啡、抹茶口味,仲有芒果、雜莓水果茶同埋花茶,每杯都係$25起。叫多件$28起、全新推出嘅彩虹海綿蛋糕,用來打卡,保證「卡娃伊」。

噚日麥當勞姊妹專登帶咗呢六款新特飲同彩虹蛋糕上《晴報》探班,搞到成班同事起哄。黛安咁啱都有幸一齊試飲,最推介係「芝士奶蓋黑咖啡」,咖啡底用上McCafé House Blend Cocoa Tazza,配上充滿鹹香嘅芝士奶蓋,進一步提升咖啡香味,非常有層次,加上市面好少見到用黑啡配搭芝士奶蓋,真係要一試。

想Fresh啲,用上台灣四季春嘅「芝士奶蓋四季春」,茶味甘甜且有陣陣花香,配埋芝士奶蓋,味道更好。

姊妹仲話,最近「麥麥送」同順豐速運成為策略夥伴,以後McCafé飲品都可通過「麥麥送」外賣啦。位於希慎廣場嘅Pop-up Store,即日起至19日指定時段免費派指定口味芝士奶蓋飲品;用「麥麥送」單次消費滿$100,亦可免費有一杯芝士奶蓋特飲;麥當勞App都送出大杯裝芝士奶蓋特飲,總數有20萬杯,大家記得去開心叉電呀。

McCafé仲同日本咖啡生活品牌RIVERS合作,星期五(17日)同月底(30日)會推出限量版Tote Bag及隨行杯,用隨行杯買細杯和中杯裝指定飲品仲可免費升CUP。

撰文: 黛安 消息特靈八卦公關
欄名: 八卦名利場