【聲明】港生活網站並無進行電話推廣活動

9月再開「是但噏」 林海峰預告暫別商台

發佈時間: 2019/05/16

林海峰(Jan)的《是但噏Happy Monday 2019》將於9月20至25日一連六晚假紅磡香港體育館舉行,相隔三年再舉行棟篤笑,Jan昨日在記者會上自爆將「離開」商台一段時間,何時回歸則視乎售票情況。

Jan受訪時假裝神色凝重表示︰「眨下眼與商台已合作咗一段好長時間,我年紀都唔輕,所以考慮同商台展開新章節……就係短期內離開商台一段時間,不過我仲未通知商台,因為記者會上大家很開心,所以無講到。(離開幾耐?)視乎賣飛情況,如果賣得好就唔返,賣得差就好快返去。」

Jan表示計劃在開騷前全面閉關做準備,他笑言︰「四、五個星期已經係極限,因為搵唔到替工呀!」記者笑問他對於主動提出「離開」商台的決定是否很沉重?他繼續扮作認真說︰「經過深思熟慮,但未得允許,只係我單方面覺得啫。(考慮咗幾耐?)其實我每朝都考慮,對呢個決定係唔會改變。」

盼重返伊館開騷

今次已是Jan第七次開騷,他估計做到第十次就差不多到盡頭,目前只剩下三次機會,務必要好好構思。他又謂︰「最後一次希望好似Marvel電影咁樣,集齊所有元素出動end game,但最想返去伊館再開一次,因為我第一次就喺伊館,感覺好唔同。」

撰文︰Pauline

編輯:黃卉彤

美術:梁政敏

大會特意為歷年「是但噏」演出製作旗幟。