阿嬌阿Sa日本旅行去錯酒店

蔡卓妍（阿Sa）和鍾欣潼（阿嬌）為了紀念Twins成軍18年，前晚一齊丟低另一半去日本享受「二人世界」，不過她們到埗第一日即弄出笑話，阿Sa在IG上載二人坐的士的片段，幾乎全程由阿Sa自述擺烏龍去錯酒店Check-in的經過，她笑謂︰「勁搞笑囉！我哋今日一到埗即刻去行街，依家凌晨一點幾，我哋啱啱去咗酒店check-in，點知我哋去錯酒店，搞咗勁耐。」在旁的阿嬌解釋有誤會，阿Sa繼續笑笑口謂︰「同嗰個人（酒店職員）講咗勁耐，佢係咁話無我哋個名，我哋一路堅持講無可能。」阿嬌則說早知食飯前先check-in。

容祖兒忍不住留言︰「我一唔喺度就出事啦！」阿嬌亦自嘲「兩個『阿毛』去旅行！」經理人Mani則取笑二人是「烏龍孖寶」。不少fans都擔心她們半夜搵酒店，不斷叮囑她們要小心。