妻慘遇車禍 愛女患腎病飽受折磨 古明華50小時不眠不休賺錢養家

現年55歲的古明華90年代入行，演過不少劇集角色，可惜星途一直浮浮沉沉，未有爆紅，直至2012年憑《巴不得媽媽》「蘇基」一角終入屋，演岀深入民心。近日TVB播放的《婚姻合伙人》亦有古明華的精彩演岀，佢飾演日日只懂發明星夢，對家庭置諸不理，從不照顧老婆同三個兒子的「徐懿蜚」。最新一集劇情講到古明華更任由阿仔日日食杯麵，屋企污糟到同曱甴共處，睇到觀眾嘩然。劇集入面的角色不負責任，但現實的古明華係個公認100分男人，對老婆女兒超級好，努力賺錢養家，希望畀兩母女最好的生活。

{{hket:inline-image name="ffxz.jpg"}}{{/hket:inline-image}}

（TVB電視截圖）

{{hket:inline-image name="hgf.jpg"}}{{/hket:inline-image}}

（TVB電視截圖）

{{hket:inline-image name="dddj.png"}}{{/hket:inline-image}}

（TVB電視截圖）

古明華90年代喺演藝學院畢業，第一部電影《旺角馬場》已獲提名金像獎「最佳新人獎」，但咁並無為佢帶嚟名成利就，反而多咗一大堆三級片邀請。後來佢加入無線，希望尋求更好發展，但都係多演強姦犯、劊子手、大賊等配角，收入唔穩定，眼見夢想愈走愈遠，當時古明華意志都有啲消沉。到咗96年，古明華決定同相愛8年，演藝學院嘅同學Terri結婚，兩年後，愛女Tammi岀生，成為幸福嘅一家三口。

{{hket:inline-image name="53514140_323525341849267_1319901578148184064_n.jpg"}}{{/hket:inline-image}}

（古明華FB圖片）

可惜好景不常，老婆突然遇上車禍，後遺症搞到佢行動不便，以後做唔到跳舞工作，古明華心痛咁話：「當時老婆連追巴士都唔得」。於是古明華勸老婆留喺屋企專心凑女，做幸福少奶奶，佢就岀外賺錢養家。為得到穩定收入，古明華自薦加入配音組，有一段時間佢係邊做配音邊演戲。古明華話：「以前覺得自己太放縱太自私，不斷追隨住拍戲嘅夢想，但做咗十幾年之後，就會問自己仲值唔值得繼續做落去呢？於是轉入配音組，對所有嘢都好！」

{{hket:inline-image name="60184055_359715471563587_5129857944195694592_n.jpg"}}{{/hket:inline-image}}

（古明華FB圖片）

不過過多幾年，另一個重大打擊又降臨到呢個家庭。喺阿女Tammi十歲時，患上嚴重「腎小球炎症」，病發時會全身嚴重水腫，需要絕對嘅靜養，單單係每月醫療支出就要超過萬元。呢筆費用真係一個重大負擔，古明華勁心痛阿女嘅病情，好難過咁話：「我願意我條命畀佢啦！」不過換命就做唔到，古明華惟有更加努力地接工作賺錢，佢最癲試過連續50小時唔休息，不眠不休咁做嘢，為阿女搵醫藥費。

{{hket:inline-image name="a90e9451jw1e472fdpms4j20h00mowgs.jpg"}}{{/hket:inline-image}}

幸好古明華一家終於苦盡甘來，近年Tammi的病情受到控制，已經可以返學岀街，望落亦同其他青少年無異，而古明華亦成功入屋，觀眾緣不錯，演技受肯定。