黃德斌專一愛足14年 曾患抑鬱 低潮感恩老婆不離棄

TVB正在播放的《婚姻合伙人》，唔少觀眾對劇集評價正面，認為節奏明快，情節溫馨又搞笑。除咗一班上緊位嘅小生花旦，此劇還有經已離開TVB的黃德斌，亦係佢離開無線前最後作品。黃德斌今次飾演地產發展公司老闆「邢呇」，近日有集講到地產界所有女士對佢都虎視眈眈，大讚他是城中荀盤，擁有過千名女朋友，搞到「超級港女」高海寧都要投懷送抱，扮被他的座駕車到受傷，希望釣到金龜婿，德斌之後更會同高海寧有感情糾葛！

{{hket:inline-image name="wwww.jpg"}}{{/hket:inline-image}}

（TVB電視截圖）

{{hket:inline-image name="ddd.jpg"}}{{/hket:inline-image}}

（TVB電視截圖）

{{hket:inline-image name="gggg.png"}}{{/hket:inline-image}}

（TVB電視截圖）

黃德斌岀道多年，為人低調努力，有唔少代表作如《火舞黃沙》、《天與地》。而佢嘅感情生活同樣低調，去年同拍拖13年的女朋友黃美恩（Joyce）拉埋正窗，都只係簡單簽紙同屋企人食飯，並無鋪張擺酒。儘管如此，德斌同太太一樣好甜蜜，二人相愛10幾年，經歷唔少風雨，太太喺佢最低潮亦不曾離棄佢，所以德斌而家好感恩、好錫老婆。

{{hket:inline-image name="TUNGSTAR582115.jpg"}}{{/hket:inline-image}}

(東星娛樂)

現年56歲的黃德斌同細佢16年嘅老婆Joyce相愛十幾年，向來低調。黃德斌於娛樂圈打滾多時，早年亦極少喺人前提到太太，不過Joyce一啲都唔介意，安於做佢背後嘅女人，又一直默默支持佢嘅工作。兩人05年相識，當時黃德斌 拍完電視劇《金枝慾孽》，事業開始有起色，之後連拍幾部劇集《火舞黃沙》、《珠光寶氣》，都擔演重要角色，到受觀眾關注。不過，11年德斌因連拍兩部角色性格陰沉的電視劇《天與地》及《心戰》，令情緒長期要徘徊低位，搞到佢一度患上嚴重抑鬱，將自己收埋喺間屋，唔想見人，又唔想工作，當時得Joyce陪伴支持，佢先慢慢振作。

{{hket:inline-image name="681e3ba3gy1ffa9uj361sj20qo1bfdli_1024.jpg"}}{{/hket:inline-image}}

【二人不時孖公仔去拍拖做運動,FB圖片】

就算黃德斌情緒狀態最差嘅時候，Joyce都不離不棄，令到德斌好感動，好愛太太。幾年前佢更不惜打本出資十幾萬，畀Joyce喺尖沙咀開時裝店，只係希望佢開開心心。德斌唔洗開工嘅日子，唔單止會幫老婆睇舖，仲會落手落腳去長沙灣等批發商睇新貨，更試過被人影到德斌搬貨嘅身影。做事親力親為，全力支持老婆，睇嚟德斌Cool爆外表下都有顆暖男的心！

{{hket:inline-image name="S9GWsdIF_1F-scDh1yIxuCedQZxU8EJ2thfLKLYXyyg.jpg"}}{{/hket:inline-image}}

【黃德斌同Joyce兩人互相扶持，關係好似老夫妻。FB圖片】