歐陽震華（Bobby）為「群姐」許思敏客串《愛回家之開心速遞》，觀眾紛紛都話好期待，特別是見到Bobby以《金裝四大才子》中的「祝枝山」造型現身，預計定必笑料百出。拍攝工作由星期六開始，預計拍攝5日，據知《愛回家》的四大才子，由Bobby飾演「祝枝山」、單立文飾演「唐伯虎」、許家傑飾演「文徵明」和張景淳飾演「周文賓」，劇情已經安排他們一雙一對演出，所以「群姐」許思敏演「石榴」、湯盈盈演「秋香」、林淑敏演「朱娉婷」和呂慧儀飾演「祝曉蓮」。林淑敏同許家傑接受《晴報》訪問時表示，今次群姐是主角，打扮得幾靚都要輸，林淑敏搞笑說：「環境好似置身古代夜總會一樣，群姐係最靚、係第一，我現實生活都輸畀佢，佢係女神第一位！不過收到劇本時，真係好好笑，相信觀眾一定會好鍾意。今次好多謝Bobby肯客串陪我哋玩，原本我放假，我都即刻改假期，惟有遲少少先去旅行啦，難得可以同Bobby做對手戲，當然要參與！」許家傑直言今次兩集實屬萬眾期待。
歐陽震華扮「祝枝山」亂入《愛回家》，令人期待他跟「群姐」許思敏的對手戲。（《晴報》圖片）
許家傑同林淑敏穿上古裝，又好登對喎！（《晴報》圖片）
他們直言難得同Bobby有對手戲，心入面都非常興奮，相信劇集出街時一定會笑過不停。（《晴報》圖片）
三對情人齊歡暢，同慶賀，點解呢個秋香著洋鬼子服裝？（《晴報》圖片）
今次古裝故事入面，大小姐（林淑敏飾）同送水輝（許家傑飾）終於可以名正言順成為一對，認真可喜可賀，其實這對熒幕情侶早已紮根在觀眾心中，並且吸納好多粉絲，兩人不時會開直播同粉絲傾偈，上次「合體」一齊開直播，更被建議唱歌表演，他們有求必應，非常親切。林淑敏說：「原來打算傾15分鐘，點知愈講愈開心，我以為我哋陪大家，其實係大家陪我哋，我哋講到死唔斷氣咁。」而家傑大讚《愛回家》粉絲「高質」，不時同佢哋深入討論劇情，十足學術性研究咁款，他透露之前收到不少粉絲的禮物，後來經他們勸阻後，大家都乖乖不再花錢買禮物，他說：「粉絲好好，會畫好多畫畀我哋，好多心思手工藝，之前送兩把扇畀我哋，有我哋個樣喺上面，夏天拍劇又可以用，非常有心思。」林淑敏表示平日出活動，經常令一班支持者在停車場守候，非常辛苦，希望一齊舉辦見面會，可以一齊做手作，有意義又可以培養關係。
林淑敏的粉絲為她製作扇子，非常有心思。(圖片：林淑敏IG）
許家傑感激粉絲們為他們花盡心思。(網上圖片)
提到近日Terry（李偉健飾）變聰明後，整個接龍集團都出現大變化，大小姐的地位愈來愈低，而Terry為了爭產不惜追求Anita（梁茵飾）和「垃圾清」（周梓盈飾），希望盡快生「龍種」而獲得爸爸龍敢威（羅樂林飾）的繼承權。許家傑說：「其實劇情係一環扣住一環，大小姐事業低調，愛情方面又可以享受一下，Terry變聰明，大房同二房鬥得都幾好睇！」而林淑敏說：「觀眾都好多唔同反應，不過劇情變化係一件好事。放心，好快Terry會錫番我呢個家姐......」不過林淑敏未有透露Terry會否變蠢，大家惟有繼續拭目以待。
大小姐與送水輝是《愛回家》締造最成功的熒幕情侶。（圖片：許家傑IG)
近日Terry黑化惹來不少觀眾討論，林淑敏透露快將會有戲劇性發展。（圖片：《愛回家之開心速遞》電視截圖）