古天樂拍《尋秦記》吊足一日威也

古天樂昨日與苟芸慧及謝安琪（Kay）出席護膚品牌慈善活動，近日忙於在內地拍攝電影版《尋秦記》的古仔，透露戲中有大量危險動作，而且所有男女演員都要拍打戲，他更大讚阿Kay老公張繼聰，「佢喺戲入面同一位打得之人拍打戲，我之前同佢吊威也吊足成日，搞到變單腳企。同埋佢為咗操fit身形可以唔食嘢，好犀利。」Kay則笑言有向古仔自薦拍電影︰「唔一定要同阿聰夫妻檔，亦唔抗拒合作演出。」至於身穿白色貼身長裙的苟芸慧，被指用衫袖遮肚，疑似有身孕，但她否認︰「我之前病咗成個月要食抗生素，搞到個人好腫，老公仲畀我傳染咗。」