鵬哥沙姐赴首爾追星

盧海鵬和林建明（沙姐）昨日到九龍灣出席記者會，宣布為ViuTV主持新節目《林盧去追星》，這對歡喜冤家今次齊齊到首爾「追星」，又去上海探老朋友，兩人更在記者會上分享拍攝點滴。專程到首爾追蹤偶像池昌旭的沙姐興奮表示︰「本來安排我坐頭一、二行睇池昌旭個舞台劇，我仲諗住衝上台咀佢，點知有演員因為交通意外取消咗，要轉睇第二場坐山頂，不過佢仍然好靚仔，我仲加入埋當地嘅狂迷會。」兩人今次出遊更帶同新人曾贊學，昨日曾贊學在活動上向兩位前輩拜師，但遭鵬哥及沙姐請食檸檬，鵬哥表示︰「我從來都唔收徒弟，如果拍完一部戲收一個徒弟，我咪好唔得閒。」沙姐則自嘲演戲差，故不敢收徒弟。