「得閒修女」劉小慧早前開直播教網友炒蛋黃油去醫治濕疹，大受歡迎，不少網友即學即炒， 《晴報》睇電視編輯睇昨晚集《東張西望》,原來佢哋訪問咗劉小慧，小慧表示可能好多人不認識她，畢竟已退出幕前很長時間，但「蛋黃油」教學一出，街上不少街坊都向她豎起手指公讚揚，令她大為驚喜。她說：「最印象深刻係一個網友，佢話囡囡六歲，六年來冇一晚瞓過好覺，晚晚都抓（痕），有用止痕藥水，但作用唔大。當晚，佢學完即炒，炒完幫個女搽，搽完之後第一晚見到個女無抓過，一晚瞓天光。佢除咗多謝我之餘，佢仲話唔理成效可以維持幾耐，只要一晚好，賺咗一晚都好值得。」她表示身邊的朋友試驗過幾乎都百發百中，但都建議大家先小試細範圍，覺得奏效先再用落其他部位。
劉小慧接受訪問，她透露不少網友濕疹情況得以改善。（圖片：《東張西望》電視截圖）
蛋黃油容易製作，而且功效好。（圖片：《東張西望》電視截圖）
《東張西望》主持黃穎君立即入廚房試炒，約10分鐘就完成，除了油煙比較厲害之外，製作都非常成功。她分別訪問中醫師和營養師，營養師表示一個雞蛋已有維他命A、Ｄ、E，全部針對皮膚，對皮膚光滑和修復有一定的幫助。由於蛋黃油由多隻雞蛋濃縮而成，故有大量維他命A，即時有修復作用。
主持人黃穎果親身試炒蛋黃油。（圖片：《東張西望》電視截圖）
她聞過製作完的蛋黃油，沒有燒焦味。（圖片：《東張西望》電視截圖）
營養師表示蛋黃油有大量的維他命A，對皮膚修復有一定作用。（圖片：《東張西望》電視截圖）
中醫表示孕婦和兒童使用蛋黃油前應問過醫師意見。（圖片：《東張西望》電視截圖）
其實小編發現唔少人睇完直播都有不少疑問，不過今次《東張》都有為大家逐一解答，認真抵讚！
一、蛋黃油炒燶晒都有用？
蛋黃油是濃縮而成，啡黑色是正常的顏色，主持人黃穎君聞過，沒有焦味，反而有陣陣蛋黃黃金蝦的味道。
二、本身對蛋過敏嘅人士可以用嗎？
中醫呼籲濕疹發作期、燒傷、孕婦和小朋友都應先諮詢醫師才試用。營養師亦表示孕婦不適合長期大量使用，因過量維他命A，有機會造成畸胎。對雞蛋敏感最大致敏源是蛋白質，只用蛋黃的話，基本上大部分的蛋白質已經沒有了，所以敏感度大大降低。
三、如何避免蛋黃油變壞？
油經過高溫容易氧化，容易發出油饐味，故建議每次製作分量不要太多，並保存陰涼地方，以免令蛋黃油變質。