【聲明】港生活網站並無進行電話推廣活動

與姚子羚合演《黃金有罪》 洪永城相信新劇不受影響

發佈時間: 2019/05/22

洪永城(Tony)、蔡思貝前晚現身電視城錄影《娛樂大家》,兩人曾傳出緋聞,合照時表現有點拘謹。提到TVB同事近日接連惹上感情轇轕,Tony稱讚姚子羚清楚交代事件,處理得很好。

洪永城與姚子羚早前合作拍攝新劇《黃金有罪》,對於子羚被指捲入四角戀,問他可有關心對方?Tony說︰「無打搞佢,相信佢都好煩惱。我覺得佢已清楚交代成件事嘅來龍去脈,令到大家唔會有其他猜測,解決咗呢件事。」他更相信事件不會影響劇集推出。

提到「安心出軌」曝光後,坊間開始關注偷拍問題,Tony稱︰「依家搭的士都會更加小心,粗俗啲嘅語言都唔敢講,公眾人物始終要檢點啲。」蔡思貝亦表示擔心的士或出租車裝上鏡頭,穿短裙坐車時一定會加倍小心,慎防走光。

此外,Tony透露最近再度回歸旅遊節目主持身份,正忙於籌備兩個旅遊節目,八月亦會開拍《使徒行者3》。他笑言︰「九月去北韓,希望可以成行,依家安排緊行程,睇下可唔可以拜訪啲重要人物,探下金仔(金正恩)咁啦,已向有關當局申請,但唔知批唔批。」

楊秀惠玩遊戲發呆

同場另一位嘉賓楊秀惠,玩遊戲時卻被考起,她笑說︰「真係覺得自己有啲鈍,平時都唔覺自己反應咁慢,綵排時發覺自己唔識玩,成日喺度發呆!」談到她主力打理美容生意,減少了拍劇,她承認返到公司感覺有點陌生,很掛念這個大家庭,希望很快再有機會拍劇。

撰文︰Pauline

編輯:陳禮恒

美術:梁政敏

姚子羚(資料圖片)

楊秀惠希望再拍劇集。