小編琴晚睇《愛回家之開心速遞》 ,真係眼淚流,事關大小姐(林淑敏飾)要嫁人喇!大龍生幫佢同Jacky(黎振燁飾)訂好婚期9月9日,只剩3個月時間,真正男友送水輝(許家傑飾)酒吧生意未達標,始終未能成為門當戶對的人,大小姐為送水輝在覓雪琴室煮好一餐飯,仲話就算要嫁畀Jacky,佢心目中依然最愛只有送水輝一個,仲話死都唔會為佢煮飯,見到大小姐同送水輝呢對情人眼泛淚光咁,真係好感動。
送水輝同大小姐嘅地下情面臨要分開。(圖片:《愛回家之開心速遞》電視截圖)
大小姐到底會唔會為愛情放棄麵包呢?(圖片:《愛回家之開心速遞》電視截圖)
兩人自拍的照片,見到林淑敏的淚水還未拭乾,認真令人睇到心痛。(圖片:《愛回家之開心速遞》電視截圖)
Jacky以為送水輝單戀大小姐,要求對方交出電話刪相。(圖片:《愛回家之開心速遞》電視截圖)
送水輝同Jacky著一樣顏色的西裝,感覺卻很不一樣。(圖片:《愛回家之開心速遞》電視截圖)
「蓮輝CP」突然殺出個程咬金Jacky,對於Jacky的癡戀,大小姐嚇到反眼。(圖片:《愛回家之開心速遞》電視截圖)
大小姐就快要嫁人,送水輝會唔會去搶親呢?(圖片:許家傑IG)
劇入面Jacky係上市公司「商心小棧」集團副主席及行政總裁,送水輝只係酒吧老闆,身家同地位根本上冇得比,不過現實生活呢,兩位都係「香港先生」冠軍人馬,許家傑是2009年,黎振燁則是2016年,到底邊個先係荀盤呢?
許家傑 (送水輝) | 黎振燁(Jacky) | |
年齡 | 36 | 33 |
高度 | 5'11.5" | 6'1" |
學歷 | 高級文憑 | 中學畢業 |
身材 | 超級大隻(下面睇相啦喂~) | 一般大隻(下面睇相啦喂~) |
樣貌 | 陽光男孩,魅力酒窩 | 黑黑實實被形容翻版古天樂 |
代表作品 | 《兄弟》、《愛回家之開心速遞》、《乘勝狙擊》 | 《是咁的,法官閣下》、《愛回家之開心速遞》 |
家傑早前接拍男士脫毛廣告,大隻佬身形表露無遺。(圖片:許家傑IG)
而黎振燁在參選香港先生時,身材較為輸蝕。(圖片:TVB.COM)
其實許家傑同黎振燁兩人條件似乎差不多,不過講到荀盤嚟講,家傑一定贏晒,事關黎振燁其實早就結咗婚封咗盤喇,當年太太支持佢參選「香港先生」,佢得獎時仲隔空送飛吻畀老婆,認真甜蜜。黎振燁話過:「多謝佢陪我度過最艱難日子,冇佢,我就唔會選香港先生。」
黎振燁同太太恩愛無比,經常放閃。(網上圖片)
而許家傑入行多年,在劇集的角色愈來愈重,《兄弟》入面跟王浩信拍住上,非常有型,加上《愛回家》送水輝的角色勁入屋,吸納好多支持者,他跟林淑敏這對熒幕情侶大受歡迎,頻頻孖住上接拍廣告,仲打算一齊搞粉絲見面會。兩人由角色而建立友情特別珍貴,他們現時拍劇都會互相幫對方影相,許家傑私下是體貼男,之前林淑敏要上《流行經典50年》唱歌,心情好緊張,家傑最終放工可以休息都唔走,決定陪林淑敏等佢冇咁緊張,而前年頒獎禮,林淑敏失落「最佳女配角」獎項,家傑即時送花畀佢說:「你已經係我心目中最佳女主角!」家傑亦是孝順仔一名,好錫媽媽同嫲嫲,而據知他都有一位圈外女友,不過一直都超級低調,但他揚言如果結婚一定會公開話畀大家聽。
蓮輝CP大受歡迎,相信一直要大團圓結局先可以順應民意。(圖片:《愛回家之開心速遞》電視截圖)