蔡濟文（Raymond）於1988年參加香港亞洲電視舉辦嘅《未來偶像爭霸戰》落選，但於1989年加入無綫電視拍劇，再於1990年簽約BMG唱片公司正式出道，出道作為《美麗的謊言》，Raymond當時要拍MV，第一時間就諗起依家嘅老婆陳珮珊。
之後曾推出三張個人專輯及一張精選輯。1993年轉投飛圖唱片，推出另外三張個人粵語及國語專輯，較為人熟悉的歌曲有《望窗的季節》、《Say Yes》、《慢慢地陪著你走》（與梁雁翎合唱）等。
1994年5月9日推出最後一張專輯《獨來獨往》後，蔡濟文便淡出樂壇，加入亞洲電視轉型為演員拍攝電視劇，約滿後，轉到中國大陸拍劇，後來接手家族經營嘅燈飾公司，喺上海開設廠房及門市後，正式退出娛樂圈。
2002年跟曾為無綫電視的藝人陳珮珊結婚，之後一直鮮有公開露面。
一見鍾情
陳珮珊曾大爆同老公嘅浪漫史：「十幾年前，公司安排我同Raymond拍劇試鏡，對佢冇咩印象，但原來佢已經靜雞雞睇上我。後來佢乘機向導演推薦我做佢MV女主角，拍完之後，保母就走，剩佢送我返屋企，佢仲送咗佢隻CD畀我，之後佢一直有聯絡我。」但原來，陳珮珊當時，係有男朋友。「所以我拒絕咗佢，但Raymond一直冇放棄，我媽咪對佢印象都好好，後來我同當時嘅男朋友分手，之後先同佢一齊。」
Long D謝絕飛來蜢
98年，蔡濟文到上海，打理家族燈飾生意，當時陳珮珊冇辦法阻止，而且最初都唔係太信任。不過蔡濟文就大派定心丸，當時佢同陳珮珊仲未結婚，但就同人講已婚，謝絕豔福。當時兩人就係靠書信維繫感情。
人不可以貌相
蔡濟文雖然外表睇落好花弗，但原來私下嘅佢既Sweet又專一！陳珮珊話蔡濟文年年都向佢求婚，仲好搞笑咁次次都揀女方生日嗰日：「佢第一次送咗兩紮花，問佢點解有兩紮，佢話一紮係生日，一紮係求婚，我當然冇睬佢。」陳珮珊來自大家庭，有五兄弟姐妹，所以婚後未幾已計畫生仔，過咗三年二人世界，05年誕下長子蔡明燊（Jason），08年第二名寶貝仔蔡耀瑭（Thomson）出生：「嗰陣老公一有時間就陪我去公園、郊外散步。所有孕婦嘅症狀我都冇，唯一係唔可以食隔夜餸，一食就嘔。」
低調「失蹤」廿年
無綫嘅《流行經典50年》掀起好多網友的集體回憶，蔡濟文自然都係大家其中一個「召喚」對象，但佢就似乎唔太想再出鏡，話多謝大家畀面先，話觀眾係「客氣」咁話。上年蔡濟文出席「經典同學會」聚會同黃翊合照先有近照流出，黃翊都話佢曾經聽講蔡濟文發咗福，不過佢當時唔信：「我諗唔會啩，因為蔡仔喺我哋年代係青靚白淨，好受啲靚女歡迎，我哋好妒忌佢。」
認佢唔到呀～
恍如隔世呀～
附上一張真·王晶！
最後附上《拋棄夢裡人》連結畀大家重溫番佢嘅靚仔樣：https://www.youtube.com/watch?v=W9d-an1hBKI